Paralimpiya. Nurxon Qurbonova bronza medalini qoʻlga kiritdi
Ushbu dasturda qatnashgan oʻzbekistonlik Nurxon Qurbonova 7.75 metr natija qayd etib, bronza medalga sazovor boʻldi. Sportchi ushbu natija orqali mavsumdagi eng yaxshi koʻrsatkichini qayd etdi.
Fransiyaning Parij shahrida Paralimpiya bahslarining para yengil atletika sport turi boʻyicha bahslar boʻlib oʻtmoqda.
Para yengil atletika boʻyicha ayollar oʻrtasida F54 klassida yadro uloqtirish boʻyicha final bahslari yakunlandi.
Ushbu dasturda qatnashgan oʻzbekistonlik Nurxon Qurbonova 7.75 metr natija qayd etib, bronza medalga sazovor boʻldi. Sportchi ushbu natija orqali mavsumdagi eng yaxshi koʻrsatkichini qayd etdi.
Maʼlumot uchun, Nurxon Qurbonova bundan avval Tokio-2020 yozgi Paralimpiya oʻyinlarida kumush va bronza medalini qoʻlga kiritgan. Shu tariqa Oʻzbekiston delegatsiyasi hisobidagi medallar soni 13 taga yetdi (5 ta oltin, 4 ta kumush va 4 ta bronza).
