Pokiston Oʻzbekistondan kelgan sayyohlar uchun viza toʻlovlarini bekor qildi
Roʻyxatga Oʻzbekiston, shuningdek, Qozogʻiston, Qirgʻiziston, Tojikiston, Turkmaniston, Rossiya va Belarus kiradi. AQSH, Buyuk Britaniya, Yaponiya, Janubiy Koreya, Yevropa Ittifoqining barcha mamlakatlari va bir qator Yaqin Sharq mamlakatlari fuqarolari ham yigʻim toʻlashdan ozod qilingan.
Pokiston 126 davlat fuqarolari uchun elektron viza berish uchun yigʻimlarni bekor qildi, deb xabar beradi visasnews.com.
Roʻyxatga Oʻzbekiston, shuningdek, Qozogʻiston, Qirgʻiziston, Tojikiston, Turkmaniston, Rossiya va Belarus kiradi. AQSH, Buyuk Britaniya, Yaponiya, Janubiy Koreya, Yevropa Ittifoqining barcha mamlakatlari va bir qator Yaqin Sharq mamlakatlari fuqarolari ham yigʻim toʻlashdan ozod qilingan.
Pokiston Ichki ishlar vazirligi veb-saytida 24 soat ichida pasportingizning fotosurati va nusxasini taqdim etish orqali elektron viza uchun ariza topshirish mumkin. Viza 90 kun davomida amal qiladi.
Islom Respublikasi hukumati rahbari Shahboz Sharif iyul oyi oxirida viza olish tartib-taomillari soddalashtirilganini maʼlum qildi. Qaror Pokistonga sayyohlik va ishbilarmonlik sayohatlariga taalluqlidir.
Bundan tashqari, Pokiston Saudiya Arabistoni, BAA, Bahrayn, Qatar, Quvayt va Ummon tadbirkorlari uchun viza talablarini butunlay bekor qildi. Ushbu harakat biznes va investitsiya faolligini ragʻbatlantirishi kutilmoqda.
