Qoraqalpogʻistonning Sariqamish koʻlida flamingolar uya qurdi
Oʻzbekistonda bu qushlarni Orol dengizi va Amudaryo havzasining janubiy qirgʻoqlarida, shuningdek, Sirdaryo viloyati va Zarafshon vodiysining qirgʻoqboʻyi zonalarida uchratish mumkin.
“Janubiy Ustyurt” milliy tabiat bogʻi xodimlari Qoraqalpogʻistonning Qoʻngʻirot tumanidagi Sariqamish koʻlida uya qurayotgan flamingolar toʻdasini suratga olishdi. Bu haqda Ekologiya, atrof-muhitni muhofaza qilish va iqlim oʻzgarishi vazirligi matbuot xizmati xabar berdi.
Flamingo — IUCN Qizil roʻyxatiga va Oʻzbekiston Qizil kitobiga zaif va kamayib borayotgan tur sifatida kiritilgan uchib oʻtuvchi uya quruvchi qush. Bu qushlar botqoq qirgʻoqlari boʻlgan yirik tekislik sayoz shoʻr koʻllarni afzal koʻradilar. Oʻzbekistonda ularni Orol dengizi va Amudaryo havzasining janubiy qirgʻoqlarida, shuningdek, Sirdaryo viloyati va Zarafshon vodiysining qirgʻoqboʻyi zonalarida uchratish mumkin.
Aslida, pushti flamingolar oq rangdan unchalik farq qilmaydigan juda oq patlarga ega. Ular mayda qisqichbaqasimonlar, suv oʻtlari va boshqa suv organizmlari bilan oziqlanadilar, shuning uchun ular patlarini oʻziga xos va noyob rangga boʻyaydilar. Flamingolar bir oyoqda uzoq vaqt turishi va hatto shu holatda uxlab qolishi mumkin. Flamingoning oʻrtacha umr koʻrish davomiyligi taxminan 30 yilni tashkil qiladi.
