11.07.2024
Qozon-Toshkent yoʻnalishi boʻyicha aviaqatnovlar yoʻlga qoʻyiladi
Muallif
Mahkamov Humoyun
Tatariston markazi va Oʻzbekiston poytaxti oʻrtasidagi reyslar haftada bir marta — yakshanbadan dushanbaga oʻtar kechasi amalga oshiriladi. Bir tomonga chipta narxi 150 yevrodan boshlanadi.
Rossiyaning “UVT Aero” aviakompaniyasi 4-avgustdan boshlab Qozon va Toshkent oʻrtasida toʻgʻridan-toʻgʻri reys yoʻlga qoʻyilishini haqida eʼlon qildi.
Tatariston markazi va Oʻzbekiston poytaxti oʻrtasidagi reyslar haftada bir marta — yakshanbadan dushanbaga oʻtar kechasi amalga oshiriladi.
Parvozlar jadvali:
- Qozondan uchish — 22:30, Toshkentga kelish — 3:55;
- Toshkentdan uchish — 4:55, Qozonga yetib kelish — 6:30.
Marshrutga Bombardier CRJ-200 samolyotlari xizmat koʻrsatadi. Bir tomonga chipta narxi 150 yevrodan boshlanadi (Markaziy bank kursi boʻyicha 2,05 mln soʻm).
