Quyoshda beshta kuchli portlash qayd etildi
14-iyul kuni Toshkent vaqti bilan soat 07:34 da 29 daqiqa davom etgan X1.3 portlashi qayd etilgan. Yakshanbaga oʻtar kechasi M5.0, M2.7, M1.7, ertalab esa M3.0 chaqnashlari sodir boʻlgan.
Bir kun oldin Quyoshda beshta kuchli portlash qayd etilgan. Bu haqda “TASS” xabar bermoqda.
14-iyul kuni Toshkent vaqti bilan soat 07:34 da 29 daqiqa davom etgan X1.3 portlashi qayd etilgan.
Shuningdek, yakshanbaga oʻtar kechasi M5.0, M2.7, M1.7, ertalab esa M3.0 chaqnashlari qayd etilgan.
Portlashlardan soʻng quyosh rentgen nurlari Yer ionosferasiga taʼsir darajasi besh koʻrsatkichli shkala boʻyicha R3 (kuchli) darajasida boʻlgan.
Quyoshdagi portlashlar nimasi bilan xavfli?
Quyoshdagi chaqnashlar oqibatida koinotga katta miqdorda quyosh plazmasi tashlanadi. Bu esa Yer yuzining aksar qismini magnit boʻroni qoplashiga sabab boʻladi.
Magnit boʻron melatonin ishlab chiqarishni susaytiradi, buyrak usti bezlari poʻstlogʻida stress uchun masʼul boʻlgan katta miqdordagi kortizol ragʻbatlantiriladi. Bu tananing umumiy zaifligini, tashvish, taxikardiya, arterial tomirlarning torayishi va qon bosimini oshiradi.
Magnit boʻronlari qon bosimining pasayishiga olib keladigan odamlar uchun Xitoy limon oʻti, jenshen va atirgul ildizining alkogolsiz ekstraktlaridan foydalanish foydalidir.
Gipertenziya bilan ogʻrigan va qon bosimini tartibga soluvchi dori-darmonlarni qabul qiladiganlar uchun shifokor bilan maslahatlashgani maʼqul: u magnit boʻronlari paytida preparatning dozasini oʻzgartirishni maslahat berishi mumkin.
