Robert Rodriges CBS uchun yangi “Zorro” ustida ishlamoqda
Remeykda Zorro qasoskor sifatida Texas shtatining Ostin shahri aholisining manfaatlarini himoya qiluvchi yosh lotin amerikalik ayol sifatida namoyon boʻladi.
Rejissyor Robert Rodriges (“Quyosh botishidan tong otguncha”) CBS telekanali uchun yangi “Zorro” serialini ishlab chiqaradi, deb xabar bermoqda Deadline.
Remeykda Zorro qasoskor sifatida Texas shtatining Ostin shahri aholisining manfaatlarini himoya qiluvchi yosh lotin amerikalik ayol sifatida namoyon boʻladi. Shou ssenariysini Rebekka Rodriges (“Xatarli soqchi”) va Jon Lavin (“Yerga tushgan odam”) yozgan. Asosiy aktrisaning ismi oshkor etilmagan.
Loyiha haqida 2020-yilda maʼlum boʻlgandi — oʻshanda serial NBC telekanalida namoyish etilishi rejalashtirilgan edi. Prodyuserlardan biri Sofiya Vergara (“Griselda”) rolini ijro etishi mumkin edi.
“Zorro” birinchi marta XVII asr boshlarida Ispaniya xalq hikoyalari sahifalarida mashhur boʻlgan. Qahramonning eng mashhur versiyalari Alen Delon va Antonio Banderas boʻlgan. Bu yil Ispaniya televideniyesida “Elita” yulduzi Migel Bernardo ishtirokidagi “Zorro” seriali chiqdi.
