SpaceX Polaris Dawnʼning birinchi tijorat kosmik missiyasini yana kechiktirdi
SpaceX oʻzining birinchi tijorat kosmik missiyasi — Polaris Dawn, toʻrtta ekipaj aʼzosini koinotga joʻnatishni yana bir bor kechiktirdi.
Missiya chorshanba kuni ertalab uchirilishi kerak edi, biroq SpaceX ekipajning Yerga qaytishi “noqulay ob-havo sharoiti”ga toʻgʻri kelishi tufayli parvoz bekor qilinganini eʼlon qildi.
SpaceX Dragon kapsulasi oʻz missiyasi yakunida ekipaji bilan birga suvga qoʻnishni rejalashtirayotgan Florida qirgʻoqlari yaqinidagi prognoz sharoitlari tufayli payshanba kuni uchirilishi ehtimoli endi rad etildi, dedi kompaniya.
Soʻnggi kechikish milliarder tadbirkor Jared Ayzekman oʻz ekipaji bilan Floridadagi Kennedi kosmik markaziga uchishga tayyorgarlik koʻrish uchun bir haftadan koʻproq vaqt oldin kelganidan beri uchinchi kechikishdir.
Missiyani Ilon Mask kompaniyasi bilan birgalikda moliyalashtirgan Ayzekman ekipajga qoʻmondonlik qiladi, uning tarkibiga uchuvchi Skott Potet hamda SpaceX muhandislari Sara Gillis va Anna Menon kirgan, ularning ikkalasi ham missiya mutaxassislari hisoblanadi.
