Timur Alixonov qimmatbaho mashina xarid qildi
Bloger bir otaxonning nasihatini eslab, uning magʻzini endi chaqa olganini aytgan. Bunga muxlislar turlicha fikr bildirmoqda.
Bloger Timur Alixonov LiXiang brendidan yangi avtomobil xarid qildi. U bu xarid oʻzi uchun eng katta sovgʻalardan biri boʻlganini aytdi.
“Oʻgʻlim, bandasiga isbotlashga urinma. Olloh roziligi uchun yashagin. Ochigʻi oʻsha payt yosh boʻlganman shekilli, bu gapning magʻzini chaqa olmagandim.
Lekin hozir yoshim 25 ga qarab ketyapti, hayotimda juda ham koʻplab oʻzgarishlar boʻldi va ayni damda oʻsha nasihatda juda ham katta hikmat boʻlganini tushunyapman.
Bandasi ustingizdan magʻzava agʻdarishga, sizni yomonotliqqa chiqarishga, hammaning koʻz oldida sizni eng yomon odamga aylantirishga harakat qilar ekan. Lekin rizq Allohdan”, — deydi bloger.
Bloger shu tariqa oʻziga yangi mashina olganini bildirgan. Ushbu qimmatbaho avtomobil ayni kunlarda eng xaridorgir modelga aylanib bormoqda. Uni koʻplab mashhurlar tanlagan, deb ayta olamiz.
Yuqoridagi gaplardan keyin Alixonovning izohlarida muhokamalar boshlangan. Ayrimlar bu gaplar uning sobiq sevgilisi Yunetta Akopyan uchun aytilganini taxmin qilgan. Boshqalar esa Timurga baxt va omad tilagan.
Maʼlumot oʻrnida, bloger Timur Alixonov reper Konstaning 2023-yilgi konsertida sevgilisi Yunettaning qoʻlini soʻragandi. Oʻshanda Akopyan taklifga rozilik bildirgan.
Ammo oradan biroz vaqt oʻtib, juftlik ajrashganini eʼlon qildi. Timur esa Yunettaning dugonasi Farida bilan munosabat qurgani maʼlum boʻldi. Ular 2024-yilning oktyabr oyida nikohdan oʻtishdi.
