01.10.2024
Toʻliq metrajli “Shelbilar oilasi” filmining suratga olinishi boshlandi
Muallif
Mahkamov Humoyun
Netflix “Shelbilar oilasi” filmining suratga olish jarayonini rasman yoʻlga qoʻydi. Ayni nomdagi serialning toʻliq metrajli davomi taxminan 2025-yilda ekranlarga chiqishi kutilmoqda.
“Oskar” mukofoti sohibi Killian Myorfi Birmingem gangsteri Tomas Shelbi roliga qaytmoqda. Shuningdek, aktyorlar safida Barri Keogan, Rebekka Fergyuson va Tim Rot ham oʻrin olgan. Syujetning aniq tafsilotlari hozircha sir saqlanmoqda.
Filmni Tom Xarper (“Aeronavtlar”) sahnalashtirmoqda. “Shelbilar”ning asoschisi Stiven Nayt yana ssenariy yozishga kirishgan. Kartinaning chiqish sanasi keyinroq eʼlon qilinadi. Serial 2013-yildan 2022-yilgacha namoyish etilgan va olti mavsumdan iborat boʻlgan.
