10.09.2024
Toshkent–Hojikent yoʻnalishidagi poyezd harakatiga oʻzgarishlar kiritiladi
11-sentyabr kuni mazkur yoʻnalishda harakatlanuvchi shaharlararo poyezd Barraj bekatidan qaytadi.
Muallif
Mahkamov Humoyun
11-sentyabr kuni Toshkent–Hojikent–Toshkent yoʻnalishidagi poyezdlar harakatiga oʻzgarishlar kiritiladi. Bu haqda “Oʻztemiryoʻlyoʻlovchi” matbuot xizmati xabar berdi.
“Texnik sabablarga koʻra 2024-yil 11-sentyabr kuni 6429/6430-sonli Toshkent-Hojikent–Toshkent yoʻnalishida harakatlanuvchi shaharlararo poyezd Barraj bekatidan qaytishini maʼlum qilamiz”, — deyiladi xabarda.
Avvalroq “O‘ztemiryo‘lyo‘lovchi” chipta narxlari oshishi sabablarini tushuntirgandi. Kompaniya 2018-yildan beri tariflar o‘zgarmagan bo‘lsa-da, poyezdlarga texnik xizmat ko‘rsatish xarajatlari sezilarli darajada oshganini qayd etdi.
