Toshkent markazidagi panno Fransiya madaniyat markaziga koʻchiriladi
Toshkent markazidagi gazeta bosmaxonasi binosida oʻrnatilgan qadama koshin Fransiya madaniyat markaziga oʻtkaziladi. Panno hozirda Madaniy meros agentligida saqlanmoqda.
Musavvir Arnold Gan ijodiga mansub Toshkent markazidagi gazeta bosmaxonasi binosida oʻrnatilgan qadama koshin Fransiya madaniyat markaziga koʻchiriladi.
Yigʻma-pardoz ishlari markaz rekonstruksiyasi tugagach rejalashtirilgan. Fransiya madaniyat markazida jamoatchilik makonidan tashqari Milliy restavratsiya markazi ham joylashadi.
Undan qayta taʼmirlashning markazlashgan tizimini yaratish, mahalliy mutaxassislarning malakasini oshirish, restavratsiya va konservatsiyaning sifatli uslublarini takomillashtirish maqsadlari koʻzlangan. Ayni paytda panno Madaniy meros agentligida saqlanmoqda.
