17.10.2024
Toshkentda boshpanasiz hayvonlarga oʻyinchoq mashina yordamida oziq-ovqat yetkazib berish boshlandi
Muallif
Shohzamon Shuhratov
“Purr.Plates” loyihasi Toshkentda boshpanasiz hayvonlarga har kuni radioboshqaruvli oʻyinchoq avtomobil yordamida oziq-ovqat yetkazib berishni yoʻlga qoʻydi.
Ayni paytda loyiha mualliflari Toshkent markazida, C1 va C2 hududlarida mushuklarga gʻamxoʻrlik qilishmoqda.
Boshpanasiz hayvonlarga yordam koʻrsatish uchun loyihada dastlab oyiga 3−4 million soʻm sarflangan boʻlsa, hozir bu xarajatlar 30−35 millionga yetdi.
“Purr.Plates” akkauntlarida loyihaga pul oʻtkazish yoʻllari haqida maʼlumot berilmagan. Loyiha faoliyatini Instagram akkaunti va Telegram kanalida kuzatishingiz mumkin.
