Toshkentda navbatdagi “Avtomobilsiz kun” aksiyasi oʻtkaziladi
24-iyul kuni poytaxtdagi barcha davlat idoralari rahbarlari va xodimlariga shaxsiy transport vositalaridan voz kechish va jamoat transporti, velosiped hamda atrof-muhitga zarar yetkazmaydigan transport turlaridan foydalanish tavsiya qilingan.
Toshkent shahrida 24-iyul kuni poytaxt YHXB bilan hamkorlikda navbatdagi “Avtomobilsiz kun” aksiyasi oʻtkaziladi.
Tadbir Oʻzbekiston prezidentining 21-fevraldagi 37-sonli qaroriga muvofiq har oyning toʻrtinchi chorshanbasida oʻtkazilishi rejalashtirilgan.
24-iyul kuni poytaxtdagi barcha davlat idoralari rahbarlari va xodimlariga shaxsiy transport vositalaridan voz kechish va jamoat transporti, velosiped hamda atrof-muhitga zarar yetkazmaydigan transport turlaridan foydalanish tavsiya qilingan.
“Hurmatli yurtdoshlar! Barchangizni “Avtomobilsiz kun” jamoat loyihasiga befarq boʻlmaslikka, ekologik toza transport vositalaridan foydalanishga chaqiramiz. Zero atrof-muhitni asrash barchamizning burchimizdir”, — deyilgan Ekologiya vazirligi xabarida.
