10.07.2024
Toshkentda Qirgʻiz kino kunlari oʻtkaziladi
Oʻzbekiston poytaxtida 19–20-iyul kunlari Qirgʻiz kino kunlari oʻtkaziladi. Unda “Sovgʻa”, ”Samo bolalari“ va ”Daraxt qoʻshigʻi“ filmlari namoyish etiladi.
Muallif
Mahkamov Humoyun
Toshkent shahrida 19–20-iyul kunlari Qirgʻiz kino kunlari oʻtkaziladi. Bu haqda Milliy kinematografiyani rivojlantirish markazi xabar berdi.
Milliy kino sanʼati saroyida boʻlib oʻtadigan tadbirda “Sovgʻa”, “Samo bolalari” va “Daraxt qoʻshigʻi” filmlari namoyishi boʻlib oʻtadi. Filmlar qirgʻiz tilida namoyish qilinadi.
Shuningdek, festivalga Akjoltoy Bekbolotov, Aysulu Subanaliyeva, Aida Usonova, Oybek Dayirbekov, Talay Kulmendeyev va Nurlan Abdiqodirov kabi qirgʻizistonlik kinoijodkorlar qatnashadi.
