05.09.2024
Toshkentda sentyabr-oktyabr oylarida issiq suv taʼminoti vaqtinchalik oʻchiriladi
Muallif
Mahkamov Humoyun
Issiq suv 16-sentyabr 6-oktyabr kunlari eskirgan kommunikatsiyalarni almashtirish uchun navbatma-navbat vaqtincha oʻchiriladi.
Toshkentda sentyabr va oktyabr oylarida issiq suvning rejalashtirilgan uzilishlari kutilmoqda, deya xabar bermoqda “Veolia Energy Tashkent”.
“Issiq suvni rejalashtirilgan oʻchirish vaqtida biz eskirgan kommunikatsiyalarni almashtiramiz va isitish mavsumida issiqlik taʼminoti ishonchliligini oshiradigan boshqa ishlarni bajaramiz”, — deyiladi xabarda.
Issiq suv taʼminoti oʻchirilish sanalari va manzillari bilan bu yerda tanishish mumkin.
Qayd etilishicha, markazlashtirilgan isitish manbalarining kuzda toʻxtatilishi shaharning issiqlik infratuzilmasini modernizatsiya qilish va yaxshilashga qaratilgan.
