18.10.2024
Toshkentda Yevrosiyo fotorassomlari koʻrgazmasi boʻlib oʻtdi
Muallif
Shohzamon Shuhratov
Toshkent Fotosuratlar uyida Yevrosiyo fotorassomlarining xalqaro koʻrgazmasi boʻlib oʻtdi. Tadbir toʻqqizinchi bor tashkil etilgan “Sanʼat va dunyo” Toshkent Xalqaro zamonaviy sanʼat biyennalesi doirasida uyushtirildi.
Toshkentda “Sanʼat va dunyo” Toshkent Xalqaro zamonaviy sanʼat biyennalesi doirasida Yevrosiyo fotorassomlari koʻrgazmasi tashkil etildi.
Unda, oʻzbekistonlik fotosuratchilar bilan bir qatorda, Bangladesh, Serbiya, Shvetsiya, Vengriya, Italiya, Litva, Eron, Isroil va Ozarbayjon kabi mamlakatlarning ijodkorlari ishlari namoyish etildi.
Namoyish etilgan fotosuratlar insonning jamiyatdagi oʻrni, jamiyatga munosabati, ularning oʻzaro uygʻunligi mavzularida boʻlib, ular fotosanʼatning turli shakl va koʻrinishlarida ifodalangan.
