11.10.2024
Toshkentda zamonaviy avtobus bekatlari oʻrnatiladi
Muallif
Shohzamon Shuhratov
Toshkent shahrida yangi turdagi avtobus bekatlari oʻrnatiladi. Bu haqda poytaxt hokimligi axborot xizmati xabar berdi.
Maʼlum qilinishicha, yangi turdagi bekatlar 2 xil oʻlchamda ishlab chiqariladi. Ulardan biri 3,2 metr, ikkinchisi esa 6,50 metr uzunlikda boʻladi.
Bekatlar mahalliy ishlab chiqaruvchi tomonidan tayyorlanmoqda. Ularda zamonaviy multimedia tizimlari va tezkor chaqiruv tugmalari mavjud boʻladi.
Bekatdagi oyna -25 daraja sovuq hamda +60 daraja issiqqa bardosh bera oladi. Oyna chidamliligini oshirish uchun 800 daraja haroratda toblanadi. Uning qalinligi 12 mm.
