Toshkentdagi “Bird Park”da nimalarni tomosha qilish mumkin va borishga arziydimi?

“Bird Park” Toshkent hayvonot bog‘i hududida ochilgan maskan bo‘lib, barcha qushlarni sevuvchilarning e’tiborini tortdi. Axir bu yerda kichkina to‘tiqushlarni zavq bilan tomosha qilishingiz, kakadu va arularga yem berishingiz, shuningdek kanareykalarning go‘zalligidan bahra olishingiz mumkin. 

Qushlar bog‘i – nisbatan kichik, ammo juda ko‘p narsani o‘zida mujassam etadi, shuning uchun qushlar bu yerda bemalol uchadi va qafaslarda o‘tirmaydi. Ular esa 100 dan ortiq. 

Bolalar va mehribon fuqarolarga yoqimli bonus: oziq-ovqat va yem donlar mutlaqo bepul beriladi. Shuning uchun agar siz to‘tiqushlarni boqishni orzu qilgan bo‘lsangiz, shunchaki qo‘riqchiga murojaat qiling – u “Bird Park”dagi oziq-ovqat uchun javobgar hisoblanadi. Ammo butun jarayon xodimning nazorati ostida amalga oshirilishini ham unutmaslik kerak. 

Hammasiga qo‘shimcha tarzda, o‘zingiz yoqtirgan qush bilan suhbatlashishingiz, uni qo‘lingizga qo‘yishingiz va hatto yangi do‘stingiz bilan unutilmas fotosessiya o‘tkazishingiz ham mumkin.  

“Bird Park” – chiptalar 

Toshkentdagi “Bird Park”da chipta narxi belgilangan va hamma uchun bir xil – 10 000 so‘m. Ammo Park hayvonot bog‘ida joylashgan, shuning uchun avval unga kirish uchun siz hayvonot bog‘iga kirish pulini ham to‘lashingiz kerak bo‘ladi. 

2024-yilda Toshkent hayvonot bog‘iga kattalar uchun chipta narxi 40 000 so‘m. Bolalar uchun bepul.  

Toshkentdagi “Bird Park”ning manzili va ish vaqti 

Manzil: Yangi hayvonot bog‘i, Bog‘ishamol ko‘chasi 232 A 

Ish vaqti: 08:00 dan 20:30 gacha

Shuni ham aytish kerakki, qushlar parklari tendensiyasi ancha vaqtdan beri issiq mamlakatlarda rusumga aylanmoqda: “Bird Park” Pxuket, Bali va boshqa mashhur sayyohlik orollarida ham mavjud. Shuning uchun ta’tilga bormagan bo‘lsangiz, lekin yoqimli taasurotlarga ega bo‘lishni va shunchaki trendda bo‘lishni istasangiz – Toshkentdagi “Bird Park”ga borib, uni o‘z ko‘zingiz bilan tomosha qilishingizga arziydi.