Toshkentdagi Sodiq Azimov koʻchasining bir qismini gastronomik qilish rejalashtirilmoqda
Sodiq Azimov koʻchasining bir qismini ham 24 soatlik gastronomik koʻchaga aylantirish reja qilinmoqda. Mavjud umumiy ovqatlanish shoxobchalaridan tashqari, koʻchada fudtraklar paydo boʻladi va koʻcha taomlarini sotadi.
Toshkent markazidagi Sodiq Azimov koʻchasining bir qismini ham 24 soatlik gastronomik koʻchaga aylantirish rejalashtirilmoqda.
Bu koʻchada birinchi davlat klinikasi, koʻz kasalliklari klinikasi, 145-maktab, turli doʻkon va restoranlar joylashgan.
Loyiha doirasida yoritish ustunlarini yangilash, oʻrindiq va axlat qutilarini oʻrnatish, yangi koʻchatlar ekish, sugʻorish tizimini tashkil etish, musiqa tizimini tashkil etish rejalashtirilgan.
Piyodalar yoʻlaklarini yangilash va kengaytirish, velosiped yoʻlaklarini tashkil qilish, yoʻl chetlari boʻylab avtoturargohlar, bolalar maydonchalarini yaratish rejalashtirilmoqda.
