16.08.2024
Toshkentdan yana bir qancha viloyatlarga avtobus qatnovi yoʻlga qoʻyiladi
Uzautotrans Service kompaniyasi yoʻnalishlar boʻylab muntazam avtobus qatnovini yoʻlga qoʻyadi.
Muallif
Mahkamov Humoyun
Toshkentdan yangi viloyatlararo va shaharlararo avtobus yoʻnalishlari yoʻlga qoʻyiladi, deb xabar berdi Transport vazirligi matbuot xizmati.
Qayd etilishicha, Uzautotrans Service kompaniyasi quyidagi yoʻnalishlar boʻylab muntazam avtobus qatnovini yoʻlga qoʻyadi:
- 17-avgustdan: Toshkent – Shahrisabz – Kitob, Toshkent – Yangiyer;
- 22-avgustdan: Toshkent – Qarshi – Koson, Toshkent – Gʻuzor – Qamashi;
- 23-avgustdan: Toshkent – Boysun.
Yoʻlovchilar borish va qaytish chiptalari elektron tarzda avtoticket.uz sayti hamda ATTO, UzBUS mobil ilovalari orqali sotib olish mumkin.
