Toshkentning ikki tumanida ichimlik suvi vaqtincha toʻxtatiladi
2024-yil kuz-qish mavsumiga tayyorgarlik boʻyicha katta hajmli suvoʻtkazgich tarmoqlarida rejali profilaktika-taʼmirlash ishlari olib borilmoqda.
Robot changyutgich 56% chegirma bilan. Batafsil ma’lumot bu yerda
Toshkent shahrining ikki tumani Bektemir va Yunusobodda bir kun davomida ichimlik suvi vaqtincha toʻxtatiladi. Bu haqda “Toshkent shahar suv taʼminoti” xabar berdi.
Unga koʻra, 2024-yil kuz-qish mavsumiga tayyorgarlik boʻyicha katta hajmli suvoʻtkazgich tarmoqlarida rejali profilaktika-taʼmirlash ishlari olib borilishi munosabati bilan 5-sentyabr soat 09:00 dan 6-sentyabr 21:00 ga qadar ichimlik suv bosimi pasayishi kuzatiladi hamda quyidagi hududlarda vaqtincha boʻlmaydi.
- Bektemir tumani boʻyicha: “Mirishkor”, “Rohat”, “Majnuntol”, “Zilola”, “Iqbol”, “Chashma”, “Iyk ota”, “Abay”, “Gulbogʻ”, “Husayn Boyqaro”, “Bektemir”, “Oltintopgan”, “Sohil”, “Musaffo” mahallalari hamda “Vodnik” issiqlik markazida;
- Yunusobod tumani boʻyicha: “Islomobod”, “Hasanboy”, “Sharq haqiqati” mahallalarida.
Avvalroq 2024-yil kuz-qish mavsumiga tayyorgarlik boʻyicha katta hajmli suvoʻtkazgich tarmoqlarida rejali profilaktika-taʼmirlash ishlari olib borilishi munosabati bilan “Toshkent shahar suv taʼminoti” isteʼmolchilarga 5-sentyabrdan 3-oktyabrgacha Toshkentda sovuq suv navbatma-navbat vaqtincha boʻlmasligi haqida maʼlum qilgandi.
O‘xshash mavzular
