21.09.2024
“Uensdey”ning ikkinchi mavsumi suratga olish jarayonlaridan video eʼlon qilindi
Muallif
Mahkamov Humoyun
Loyiha 2022-yil noyabr oyida debyut qilgan va Netflixʼdagi eng ommabop loyihalardan biriga aylangan.
Netflix “Uensdey” serialining yangi mavsumi uchun suratga olish maydonchasidan videoni taqdim etdi. Jenna Ortega bosh rolni ijro etgan shou 2025-yilda ekranlarga qaytadi.
Tim Byorton rejissyorlik lavozimiga qaytdi. Serialda Ketrin Zeta-Djons, Luis Gusman, Stiv Bushemi, Tandive Nyuton, Billi Payper, Kristofer Lloyd va boshqalar ham rol oʻynagan. Syujet tafsilotlari ulashilmagan.
“Uensdey” “Addams oilasi” spin-offi hisoblanadi. Loyiha 2022-yil noyabr oyida debyut qilgan va Netflixʼdagi eng ommabop loyihalardan biriga aylangan. Ikkinchi mavsumning aniq chiqish sanasi hozircha nomaʼlum.
