Wakuku – Xitoydan chiqqan yangi trend. Nega bu o‘yinchoqni Labubu “qotili” deb atashmoqda?
Modasevarlar sumkalarini Labubu breloklari bilan bezab, blogerlar Instagram’dagi kuzatuvchilarini “yoqimtoy monstrchalar”ni sotib olishga undayotgan bir paytda, Xitoyda yangi o‘yinchoqlar – Wakuku shiddat bilan mashhurlikka chiqmoqda.
Wakuku kim?
Wakuku – shunchaki o‘yinchoq emas, balki “Do‘stlik afsonasi” olamidan chiqqan haqiqiy chakalakzor ruhidir. Bu xarizmatik qahramon – tarqoq sochli, birlashgan qoshlari va bo‘ysunmas fe’l-atvori bilan – isyonkor bolalik va sarguzashtlarga chanqoqlik timsoli hisoblanadi. Miniso kompaniyasi ushbu o‘yinchoqni 2025-yil mart oyida taqdim etdi va Wakuku xaridorlarda beparvo bolalik xotiralarini uyg‘otib, yangi kashfiyotlarga ilhom berishini aytdi.
Wakuku premyerasi Miniso Land shousida bo‘lib o‘tdi va u ijtimoiy tarmoqlarni portlatdi – brendning savdolari 90 foizga oshdi. Rossiya va boshqa MDH mamlakatlarida Wakuku figuralari asosan sirli qutilar shaklida mashhur marketpleyslar orqali sotilmoqda, bu esa uni boshqa taniqli qahramon – Labubu bilan juda o‘xshatmoqda.
Miniso Wakuku’ni o‘z qabilasining charchoq bilmas tadqiqotchisi va epchil ovchisi sifatida tasvirlaydi. U jasur, aqlli va doim yangilik sari intiladi. Qiziqishi uni vaqtlar aro yuritib, zamonaviy dunyoga olib keldi – endi u bu yerda trendlar, musiqa va yangi o‘yinchoqlarni o‘rganmoqda. O‘z g‘ayrioddiyligi va uslubi bilan Wakuku vatani Xitoyda haqiqiy moda ikonkasiga aylandi.
Wakuku va Labubu qarama-qarshiligi
TikTok va Instagram’da allaqachon sirli qutilarni ochish bo‘yicha videolar mashhur bo‘lib bormoqda – ichidan aynan shu yovvoyi qahramon chiqadi. Wakuku nafaqat bolalarning, balki kattalar kolleksionerlarining ham qalbini zabt etishga tayyor ko‘rinadi. U hatto Labubu’ning mashhurligini “yo‘q qilish”i mumkin, deb ko‘plab ijtimoiy tarmoq foydalanuvchilari hisoblaydi.
Mashhur OAV jurnalistlari shunday deydi: har qanday trend vaqtincha va oxir-oqibat o‘z o‘rnini boshqasiga bo‘shatadi. Labubu ham istisno emas – ayniqsa o‘rnini Wakuku kabi yangi qahramon egallayotgan bo‘lsa.
Agar Labubu va Wakuku’nining “tashqi ko‘rinishini” solishtirsak, ular bir-biriga qarindoshdek o‘xshaydi. Har ikkalasi ham ixcham o‘lchamda, ugly cute (“g‘alati yoqimtoy”) uslubida yaratilgan, brelok sifatida ishlatiladi va “sirli” qutilarda sotiladi. Farqi shundaki: har bir Wakuku figurchasi – o‘ziga xos “jangchi”, aniq bir hayvoncha sifatida yaratilgan. Yana bir farqi – unda raqibidek o‘tkir tishlar yo‘q. Wakuku ko‘rinishidan ham kamroq qo‘rqinchli.
Endi Wakuku’ga bir necha hafta vaqt beramiz – marketing kampaniyasi boshlangach, ko‘plab blogerlar va mashhurlar Xitoyning yangi trendiga qo‘shilishi aniq. Labubu esa, ehtimol, unutilgan modaga aylanadi. Ungacha esa, siz ushbu o‘yinchoq haqida qiziqarli faktlarni quyidagi matnda o‘rganib olishingiz mumkin.