1-sentabr: kuz bayrami va O‘zbekiston Respublikasining mustaqillik kuni
1-sentabrda Fransiyada dunyodagi birinchi ilmiy-fantastik film — “Oyga sayohat” premyerasi bo‘lib o‘tdi. Angliyada birinchi yevropacha supermarket ochildi. Amerikalik Robert Fisher esa jahon shaxmat chempioni bo‘ldi. Shuningdek, 1964-yil 1-sentabrda Rossiya TVda “Xayrli tun, bolalar” dasturining birinchi soni chiqdi. Bularning barchasi bugungi sanada sodir bo‘lgan esda qoladigan voqealar, 1-sentabrda qanday muhim bayramlar nishonlanishini birgalikda ko‘rib chiqamiz.
O‘zbekiston Respublikasining mustaqillik kuni
Bu bayram nafaqat O‘zbekiston Respublikasining barcha aholisi qalbini Vataniga nisbatan muhabbat bilan to‘ldirib, ularni bir-birlariga yanada yaqinlashtirish, balki bu mustaqillikka erishishda jon kuydirganlarni eslab o‘tishga ham qaratilgan. Bundan tashqari, og‘ir ish kunlaridan keyin, yangi o‘quv yili oldidan kuchingizni to‘plab olishingiz uchun qo‘shimcha dam olish kunlarini xalqqa taqdim etish bayrami hamdir.
Bilimlar bayrami
Garchi O‘zbekistonda o‘quv yili 4-sentabrdan boshlanib, maktablar o‘z o‘quvchilariga eshiklari ochsa-da, bugun shu kunning kichik tayyorgarligi (repetitsiyasini) o‘tkazishingiz mumkin. Lineykada kiyadigan liboslaringizni kiyib ko‘rish, o‘qituvchingiz uchun gullarni tanlash, barcha o‘quv qurollarini ko‘zdan kechirib, unutib qoldirgan narsalarni oxirigacha sotib olish va psixolog maslahatiga ko‘ra bolangizni (ayniqsa birinchi sinfga boradigan) maktab yoki bolalar bog‘chasiga qanday tayyorlashni bilib oling.
Kuzning tug‘ilgan kuni
Ishonish qiyin, lekin yoz chindan ham xayrlashmoqda. Ammo xafa bo‘lmang, axir “baxmal mavsumi” va 2024-yil kuz fasli oldinda! U esa chiroyli, baxtli hamda yangi va qiziqarli narsa va hodisalar bilan to‘la bo‘lishini va’da qiladi. Hammasi o‘zingizga bog‘liq ekanligini ham unutmang.
Seriallarni yaxshi ko‘radiganlar kuni
Gapni aylantirmasdan, shunchaki eng sevimli serialingizni tomosha qilishingiz yoki mashhur shouning yangi mavsumi, masalan, “Netflix” tanlovlari yoki anime kabilarni tomosha qilishingizni tavsiya qilamiz.
Pushti Kadillak kuni
Kadillakni Amerika orzusining ramzi deb atashgan AQShlik avtomobilchilar ixtiro qilgan bayram. Buning ajablanarli joyi yo‘q, axir Elvis Presli ham Kadillak haydagan, Klint Istvud esa shu nomli butun kino yaratgan. Siz bilan biz bu bayramni katta miqyosda nishonlamasak ham bo‘ladi, ammo pushti Kadillakning fotosuratlarini tomosha qilish, ayni muddao. Sizchi, shu mashinani haydagan bo‘larmidingiz?
