07.11.2024
(yangilandi 07.11.2024)
Bloger Abdurahmon Fozilov Antarktidada Markaziy Osiyo davlatlari bayroqlarini oʻrnatdi
Muallif
Shohzamon Shuhratov
Oʻzbekistonlik bloger Abdurahmon Fozilov Antarktidani zabt etdi. U oʻz ekspeditsiyasi davomida mintaqa xalqlarining doʻstligi va birligi ramzi sifatida Oʻzbekiston va boshqa Markaziy Osiyo mamlakatlarining bayroqlarini oʻrnatdi.
Oʻzbekistonlik bloger Antarktidaga tashrif buyurib, Markaziy Osiyo davlatlarining bayroqlarini oʻrnatdi.
Videoda Abdurahmon Fozilov Antarktidaning qoq markaziga noyob sayohat qilganini koʻrish mumkin. U oʻz ekspeditsiyasi davomida Oʻzbekiston bayrogʻini oʻrnatdi.
Uning yonida qardosh xalqlarning doʻstligi ramzi sifatida qoʻshni davlatlar — Tojikiston, Qozogʻiston, Qirgʻiziston va Turkmaniston bayroqlari ham hilpirab turibdi.
