Chempionlar Ligasi. Borussiya Dortmund — Seltik oʻyini natijasi
Chempionlar ligasida Borussiya Dortmund Seltikka saboq berib qoʻydi. Qovoqarilar 7:1 hisob bilan gʻalabalar seriyasini ajoyib tarzda davom ettirmoqda.
Barcha musobaqalarda ketma-ket toʻqqizta gʻalaba bilan mavsumni boshlagan Seltik uchun ozgina boʻlsa ham umid bor edi, biroq ular Bundesliga jamoasining tahdidiga bas kela olmadi va oddiy xatolar qimmatga tushdi.
Oʻtgan mavsumning ikkinchi oʻrin sohibi Chempionlar Ligasida oʻz maydonida 12 ta oʻyinda magʻlubiyatsiz oʻynadi va erta hisobni ochdi. Darvozabon Kasper Shmeyxel Djeymi Gittensni yiqitganidan soʻng kapitan Emre Djan penaltidan aniq zarba berdi.
Daydzen Maeda hisobni deyarli darhol tenglashtirdi, ammo Karim Adeyemi ikkita gol urdi, Seru Girassi esa Arne Engels jarima maydonida Adeyemini toʻxtatganidan soʻng penaltidan toʻrtinchi golni kiritdi.
Qanot hujumchisi tanaffusdan oldin xet-trik qildi, ikkinchi boʻlimda esa Girassi oʻzining ikkinchi va Dortmundning oltinchi golini urdi. Feliks Nmecha zaxiradan tushib, yettinchi gol bilan Shotlandiya chempionlarining ahvolini yanada ogʻirlashtirdi.
