Chempionlar Ligasi. PSV — Sporting oʻyini natijasi
PSV Eyndxoven (Niderlandiya) va Sporting (Portugaliya) jamoalari oʻrtasidagi uchrashuvga yakun yasaldi. Futbolchilar Niderlandiyadagi Filips stadionida toʻp surishdi. Bosh hakamlik vazifasini Marko Guida bajargan.
Uchrashuvda hisob 1:1 boʻldi. 15-daqiqada Sporting darvozasidan toʻp oʻtdi va 84-daqiqagacha ular tenglikni tiklashga muvaffaq boʻlishmadi. Uzoq kutilgan golni oʻyin tugashiga bir necha daqiqa qolganda Daniyel Bragansa kiritdi.
Eslatib oʻtamiz, 2024/2025-yilgi mavsumda Chempionlar Ligasi odatiy guruh bosqichi tizimidan voz kechdi. Ilgari 32 ta jamoa ishtirok etgan boʻlsa, endi 36 ta jamoa qatnashmoqda.
Shu yilgacha jamoalar uchta raqib bilan ikki martadan: uy va safar oʻyinlarini oʻtkazishgan. Endi har bir klub sakkizta jamoaga qarshi sakkizta oʻyin oʻtkazadi — toʻrttasi oʻz maydonida va toʻrttasi raqiblar maydonida boʻladi.
