IPhone’ni qanday faollashtirish kerak: batafsil ko‘rsatma

1-bosqich: iPhone’ni yoqing

Buning uchun yon tugmani (yoqish) bosib, ekranda tanish olma logotipi paydo bo‘lgunga qadar uni bir tekisda ushlab turish kerak. Shundan keyin dunyoning turli tillarida salomlashish paydo bo’ladi.

2-bosqich: unga “milliylik”ni bering

Sizga kerak bo'lgan tilni, mamlakatingiz va hududingizni tanlang. Smartfoningizning “pasport ma’lumotlari”: sana/vaqt va boshqalar shunga bog‘liq bo‘ladi.

3-bosqich: qo‘lda sozlang yoki “tezkor boshlash”dan foydalaning

Agar bu sizning birinchi iPhone qurilmangiz bo‘lsa, “qo‘lda sozlash” bandini bosing. Agar oldingi telefoningiz (shuningdek, iPhone) qo‘lingizda bo'lsa, ularni bir-birining yoniga qo‘ying va “tezkor boshlash” funksiyasini tanlang.

4-bosqich: iPhone’ni faollashtiring

Yangi iPhone’ni faollashtirish uchun siz Internetga ulanishingiz kerak — mobil yoki Wi-Fi orqali. Birinchi holda, SIM-karta bo'lishi kerak, aks holda u ishlamaydi.

5-bosqich: iPhone ID’ni o'rnating va parol yarating

Touch ID (izlar) va Face ID (yuz skaneri) aksariyat qurilmalarda mavjud va sizga kerak bo‘lgan narsa - ekrandagi ko‘rsatmalarga amal qilish.

Shundan so‘ng 6 ta belgidan iborat ishonchli parol o‘ylab toping. Unga tug‘ilgan sanasi kabi shaxsiy ma’lumotlarni kiritmaslikni maslahat beramiz.

6-bosqich: Identifikatsiya raqami (Apple ID) yordamida kiramiz

Mavjud ID ma’lumotlari va uning parolini kiritamiz yoki yangi identifikator yaratamiz.

7-bosqich: Siri’ni sozlaymiz va avtomatik yangilash haqida qaror qabul qilamiz

Bu yerda hammasi oddiy — siz ma’lumot almashishga roziligingizni tasdiqlashingiz va yangilanishlarni avtomatik ravishda o‘rnatishga ruxsat berishingiz kerak. Ba’zi iPhone’larda Siri sizning ovozingizni “tanib olishi” va kelajakda hech qanday muammosiz tanishi uchun sizdan bir nechta so'zlarni gapirishingiz so‘raladi.

8-bosqich: Ekran vaqtini sozlaymiz

Bu xususiyat sizning iPhone’da qancha vaqt sarflaganingizni kuzatib boradi. Bundan tashqari, ba’zi ilovalardan foydalanishga cheklovlar o‘rnatishingiz, shuningdek, ekranni tashqi yorug‘likka moslashtirishingiz mumkin.

9-bosqich: nafas chiqarish – iPhone muvaffaqiyatli faollashtirildi

Tabriklaymiz! Endi siz “Ishga tushirish” tugmasini bosishingiz va xotirjam iPhone’dan foydalanishingiz mumkin.