Metall korpusli Samsung Galaxy A55 5G smartfoni tahlili: texnik xususiyatlari, imkoniyatlari va rasmlari
2024-yil mart oyida Samsung Galaxy A55 5G smartfoni (SM-A556E/DS modeli) taqdim etildi. Qurilma yangi imkoniyatlar va takomillashtirilgan texnik xususiyatlarni, jumladan, kuchli Exynos 1480 protsessori hamda 6,6 dyuymli SuperAMOLED ekranini o‘z ichiga oladi. Yangi model e’tibor qaratishga arziydimi?
Tashqi tomondan telefon flagmanlardan qolishmaydi
Qurilma iPhone 15 darajasida ko‘rinadi: alyuminiy va shishadan yasalgan mustahkam korpus (Corning Gorilla Glass Victus+).
Korpus ranglari: sariq (Awesome Lemon), binafsha (Awesome Lilac), qora (Awesome Navy) va kulrang-havo rang (Awesome Iceblue).
Xususiyatlari-chi?
Samsung Galaxy A55 5G smartfoni 6,6 dyuymli 1080x2400 pikselli ekran bilan jihozlangan bo‘lib, AlwaysOn Display texnologiyasini qo‘llab-quvvatlaydi. Yangi Exynos 1480 platformasiga o‘tishi natijasida qurilma 8 Gb operativ xotira va 128 Gb yoki 256 Gb ichki xotiraga ega bo‘ldi. Shuningdek, 1 TB hajmgacha xotira kartalarini ham qo‘llab-quvvatlaydi.
Qurilmaning operatsion tizimi OneUI 6.1 interfeysi bilan Android 14.0 hisoblanadi. Ekranning yorqinligi 1000 nitgacha oshirilgani va Corning Gorilla Glass Victus+ oynasi bilan himoyalangani ta’kidlanmoqda.
Asosiy kamera uch moduldan iborat: 50 megapiksellik optik stabilizatsiyali, 12 megapiksellik keng burchakli va 5 megapiksellik makro kamera. 32 megapiksellik old kamera bokeh effekti bilan ta’minlangan.
Smartfon 4K videoni yozish va FullHD formatida elektron stabilizatsiyani qo‘llab-quvvatlaydi.
Qurilma IP67 himoya darajasiga ega va Samsung Pay hamda Google Pay kabi kontaktsiz to‘lov funksiyalarini qo‘llab-quvvatlaydi. Yangi smartfonning kamchiliklaridan biri - to‘plamda quvvatlash moslamasining yo‘qligi, biroq telefon 25 vattgacha tezkor quvvatlashni qabul qiladi.
Bundan tashqari, Galaxy A55 5G ikkita SIM karta va eSIM bilan ishlashi mumkin, shuningdek, Wi-Fi a/b/g/n/ac, Bluetooth 5.3 va NFC kabi keng ko‘lamli simsiz interfeyslarga ega.
| Xususiyatlari | Tavsif |
| Displey | 6.6" FHD+ Super AMOLED, 2340x1080 piksel, 120Hz, HDR10+, Gorilla Glass Victus+ |
| Protsessor | Exynos 1480 (4nm), Octa-core (4x2.75GGts Cortex-A78 + 4x2.05 GGts Cortex-A55) |
| Grafik protsessor | Samsung Xclipse 530 (RDNA2 bazasida) |
| Operativ xotira | 8GB |
| Ichki xotira | 128GB yoki 256GB UFS 3.1, microSD va 1TB qo‘llab-quvvatlaydi |
| Operatsion tizim | Android 14, One UI 6.1 |
| Asosiy kamera | Cuhtalik: 50 MP (OIS), 12 MP (ultrakenglik, 123°), 5 MP (makro) |
| Frontal kamera | 32 MP, f/2.2 |
| Akkumulyator | 5000 mA soat, tezkor quvvatlagich 25W |
| Himoya | IP67 (chang va suvdan himoya) |
| Tarmoqli texnologiyalar | 5G, 4G LTE, 3G, 2G |
| Simsiz interfeyslar | Wi-Fi 6, Bluetooth 5.3, NFC |
| Ulagichlar | USB Type-C 2.0, Type-C orqali audio-uzatish |
| Ovoz | Stereodinamika |
| Gabaritlar va og‘irlik | 161.7 x 77.4 x 8.2 mm, 213 g |
| Korpus materiallari | Metall ramka, oldi va orqasi Gorilla Glass Victus+ shishasi |
| Ranglari | Awesome Iceblue, Awesome Navy, Awesome Lilac, Awesome Lemon |
Olish mumkin bo‘lgan fotosuratlarni flagman smartfonlariniki bilan taqqoslab bo‘lmaydi, lekin A seriyali smartfondan bunday natijalarni kutish ham o‘rinli emas.
Umuman olganda, bu smartfonda g‘ayrioddiy hech narsa yo‘q. Biroq narxi ham premium darajadagi qurilma ekanligiga ishora qilmaydi. Hozirgi kunda O‘zbekistonda bunday smartfonni taxminan 400 AQSH dollariga xarid qilish mumkin.
