“Midjourney”dan qanday foydalanish kerak: rasmlarni yaratish va so‘rovlarni tuzish bo‘yicha maslahatlar

“Midjourney”dan qanday foydalanish kerak 

1-qadam: Ro‘yxatdan o‘tish va kirish

Elektron pochta yoki ijtimoiy media hisob qaydnomangiz yordamida “Midjourney” rasmiy veb-saytida ro‘yxatdan o‘ting.

Ro‘yxatdan o‘tgach, tegishli ma’lumotlar rejasini tanlang. Bepul reja 20 tagacha rasm yaratishga imkon beradi, pullik reja esa ko‘proq imkoniyat va xususiyatlarni taklif etadi.

2-qadam: Rasm yaratish

“Midjourney” saytida ish maydoniga o‘ting. Bu yerda so‘rovlar kiritish va asosiy tasvirlarni yuklash interfeysini topasiz. Kerakli uslubda tasvir yaratish uchun suratlaringiz yoki boshqa vizual materiallarni asos sifatida yuklashingiz mumkin. Xohishlaringizni aks ettiruvchi matnli so‘rov kiriting. Aniq detallarni ifodalash uchun tildan foydalaning (masalan, “anime uslubi, oq soch, ko‘k ko‘zlar, fantastika fon”).

3-qadam: Sozlama va qo‘shimchalar

“Midjourney” ko‘plab parametrlarni, jumladan uslub, rang sxemasi va nozik tafsilotlarni sozlash imkonini beradi. Buni so‘rovdagi matnli argumentlar orqali amalga oshirishingiz mumkin.

Shuningdek, yakuniy tasvirni yaxshilaydigan filtr va qo‘shimcha effektlarni tanlashingiz mumkin.

4-qadam: Ko‘rish va saqlash

So‘rov va sozlamalarni kiritgandan so‘ng, tasvirni yaratish jarayoni boshlanadi, bu bir necha soniya davom etishi mumkin.

Oldindan ko‘rish funksiyasi yordamida natijalarini ko‘rasiz, ularni yuklab olish yoki tahrir qilishingiz mumkin.

Agar natijadan qoniqmasangiz, so‘rovda o‘zgarishlar kiritib, qaytadan urinib ko‘rishingiz mumkin. 

So‘rovlar bo‘yicha maslahatlar

1. Aniq ma’lumot bering

Qancha aniq va batafsil so‘rovlar kiritsangiz, natija kutganingizga shunchalik yaqin bo‘ladi. Masalan, “anime qiz” o‘rniga “uzun pushti sochli, ko‘k ko‘zli, maktab formasi kiygan anime qiz” deb yozing.

2. Uslub va mavzuni ko‘rib chiqing

Agar ma’lum bir uslub (masalan, fantaziya, kiberpank) yoki mavzu (masalan, tabiat, shahar) kerak bo‘lsa, buni so‘rovda ko‘rsatganingizga ishonch hosil qiling.

3. Ta’riflovchi sifatlardan foydalaning

Sifat va ravishlar tafsilotlarni aniqlashtirishga yordam berib, tasvirni ifodaliligini oshiradi. Masalan, “gullagan dalalarga ega ruhlantiruvchi qishloq manzarasi” so‘rovi natijasi oddiy “qishloq manzarasi”dan sezilarli darajada farq qiladi.

4. Kompozitsiyalar bilan tajriba qiling

Agar tasvirdagi elementlarning g‘ayrioddiy joylashuvi kerak bo‘lsa, buni so‘rovda ta’riflang. Masalan, “yulduzli osmon fonida bino tomida turgan anime qiz”.

5. Misollardan ilhom oling

Agar sizda aniq tasavvur bo‘lmasa, “Midjourney” yoki boshqa foydalanuvchilar galereyasidan tayyor misollarni tomosha qilib, ilhomlanishga harakat qiling. Bu sizga hayolingizdagi tarqoq so‘rovni shakllantirishga yordam berishi mumkin.

So‘rov namunalari

1-misol: Anime qahramoni 

So‘rov: “ko‘k sochli, oltin ko‘zli, qurollarda, quyoshli ob-havoda tasvirlangan anime qahramoni”

2-misol: Fantaziya manzarasi 

So‘rov: “tog‘, sharshara, sehrli mavjudot, yorqin ranglarda fantaziya manzarasi”

3-misol: Kiberpank shahri 

So‘rov: “neon chiroqlar, osmonda uchib yurgan dronlar, kechki vaqtda tasvirlangan kiberpank shahar” 

Tez-tez uchraydigan xato va ulardan qochish

●       Juda qisqa so‘rov. Oldindan aytib bo‘lmaydigan natijani olishingiz mumkin. Qanchalik ko‘p tafsilotlarni ko‘rsatsangiz, yakuniy tasvir shunchalik yaxshi bo‘lishini yodda tuting.

●       Iboralarni noto‘g‘ri ishlatish. Ba’zi iboralar algoritmni chalkashtirib yuborishi mumkin. Aniq va tushunarli so‘zlardan foydalanishga harakat qiling.

●       Sozlamalarni e’tiborsiz qoldirish. Aniqroq natijaga erishish uchun variant va sozlamalardan foydalanishni unutmang. Masalan, rang sxemasi yoki tafsilotlar darajasini ko‘rsatish. 

“Midjourney” – bu matnli so‘rovlar asosida noyob tasvirlar yaratishga mo‘ljallangan kuchli vosita. So‘rovlarni tayyorlash bo‘yicha oddiy maslahat va sozlamarlar bilan tajriba o‘tkazishni amal qilib, turli uslub va mavzularda ajablantiruvchi suratlar yaratishingiz mumkin. Ijodiy ishlaringizda omad tilaymiz!