Sog‘lom turmush tarzining 7 oltin qoidasi: qanday qilib sog‘lom turmush tarziga osongina va qiyinchiliksiz o‘tish mumkin
Sog‘lom turmush tarzi – nafaqat “superfudlar” va nutritsiologlarining oziq-ovqat haqidagi bayonotlari, shuningdek, umumiy yoga mashg‘ulotlari va qabul qiladigan biologik faol moddalar haqida emas. Bu hayot tarzi, organizm, tana va ruhiyat uchun juda maxsus va zarur bo‘lgan ko‘plab qoidalarni o‘z ichiga oladi.
Sog‘lom turmush tarzining 7 asosiy qoidasi:
Jismoniy faollik – asosdir
Bu yerda biz professional sport va har kuni 10 ming qadam yurish haqida gapirayotganimiz yo‘q. O‘z didingizga qarab faoliyatni tanlang: asosiysi, bu faoliyat bilan hech bo‘lmaganda, haftada kamida bir necha marta va zavq bilan shug‘ullanadigan bo‘lishingiz kerak. Yoga, pilates, fitnes, yugurish va boshqa mashg‘ulotlar. Agar bularning barchasi sizga to‘g‘ri kelmasa, unda hech bo‘lmaganda ertalab 5 daqiqalik badantarabiya mashqlarini qiling (faqat har kuni). Ha, bu borada sizga nafaqat sport formasi va gilamcha, balki sabr-toqat ham kerak bo‘ladi. Sog‘lom odatlar darhol rivojlanmasligini unutmang.
Balansli ovqatlanish tartibi
Kaloriya miqdorini keskin qisqartiradigan parhez, qattiq cheklovlar va boshqa bema’niliklarga o‘rin yo‘q (garchi bu individual bo‘lsa ham). Ovqatlanish tartibingizda hamma narsa bo‘lishi kerak: oqsillar, yog‘lar va uglevodlar. Ammo kerakli va “toza”: kamroq fast-fud, kimyoviy qo‘shimchalar va tonna-tonna shakarsiz. Ishoning, bu nafaqat qomatingiz, balki sog‘lig‘ingiz uchun ham juda muhim. Oddiy suv ichishni ham unutmang. Albatta, hamma uchun urfga aylangan litrlar bilan emas, balki individual hisob-kitob qilgan holda iching.
Hamma narsada gigiena
Biz tishlarimizni tozalash, qo‘llarimizni sovun bilan yuvish, dushga borish va tanamizni parvarish qilishni o‘rgandik, ammo parvarish muolajalari bular bilan cheklanmaydi. Kiyim yoki uy gigienasi haqida nima deysiz? Vaqti-vaqti bilan kvartirada umumiy va odatiy tozalash ishlari, katta kiyimlarni ham olib kir yuvish yoki shunchaki mebelni chang va uy a’zolarining DNK qoldiqlaridan tozalab turishni unutmang.
Uyqu rejimi
Ha, biz yana aniq narsalar haqida gaplashamiz. Ammo bunday eslatmalar juda muhimdir, axir uyqu hayot sifatiga hayolingizga kelmagan darajada ta’sir qiladi. Sog‘lom turmush tarzi shuni ko‘rsatadiki, siz nafaqat kuniga kamida 7 soat uxlaysiz (JSST tavsiyalariga ko‘ra), balki rejimga rioya qilishingiz ham kerak. Bu har kuni bir vaqtda uxlash va uyg‘onishni anglatadi. Dam olish kunlarida sal bo‘shashingiz mumkin, ammo ularni ham minimallashtirganingiz ma’qul.
Sog‘lomlashtirish muolajalari
Hammom, massaj, SPA va hatto organizmni chiniqtirish. Bularning barchasi yiliga kamida ikki marta jadvalda bo‘lishi kerak. Bu ayniqsa, har xil infeksiya, shamollash davrida immunitetni mustahkamlaydi, tanani kuchliroq va bardoshli qiladi.
Yomon odatlar bilan xayrlashish
Sog‘lom turmush tarzi yomon odatlarni yoqtirmaydi, agar siz allaqachon shunday sog‘lom turmush tarzini kechirayotgan bo‘lsangiz, unda “aldash” bilan shug‘ullanmasligingiz ma’qul. Spirtli ichimliklarni suiiste’mol qilish, kuniga bir quti tamaki chekish va boshqa zararli odatlar nafaqat butun bir otni o‘ldiradi, balki immunitet tizimini “buzish”, organizmni ichkaridan charchatish va turli kasalliklarni qo‘zg’atish uchun yaxshigina sabab bo‘ladi. Sizga shu kerakmi?
Sog‘lom tanada – sog‘lom ruhiyat
Sog‘lom turmush tarzining eng muhim tarkibiy qismlaridan biri bu – aqliy va hissiy salomatlikka g‘amxo‘rlik qilishdir. Axir bularning barchasi gormonal tizimning normal ishlashi, yaxshi xotira, aqlning rivojlanishi, shuningdek o‘zgarishlarga “qarshilik”ning kalitidir. Agar hissiy jihatdan sog‘lom bo‘lsangiz, hamma narsa: pul ishlab topish, maqsadlarga erishish kabilar oson va yengil bo‘ladi, siz kuchga to‘lasiz, oilangiz esa baxtli bo‘ladi.
