2024-yilning eng zo‘r 10 ta filmi: har qanday did uchun ro‘yxat

Gladiator 2

Asl nomi: Gladiator II

Janri: drama, jangari

Rejissyor: Ridli Skott

Rollarda: Pol Meskal, Pedro Paskal, Denzel Vashington

IMDb reytingi: 6,8/10

Nima haqida: Jangchi Xanno mag‘lubiyatga uchraganidan keyin hech vaqosiz qoladi - xotini halok bo‘ladi, uning o‘zini esa gladiatorlik janglari tashkilotchisiga sotishadi. Tashkilotchi Xannoga agar maydonda yaxshi jang qilsa, jangchining qo‘shinini mag‘lub etgan sarkarda bilan uchrashuv uyushtirishni va’da qiladi. Qahramonning tanlash imkoniyati yo‘q, shuning uchun u rozi bo‘ladi va qonli gladiatorlik janglariga jalb qilinadi.

Nima uchun tomosha qilish kerak: Birinchi "Gladiator" yuqori darajani egallagan edi, chunki film naq beshta "Oskar"ni qo‘lga kiritgan. Oradan 24 yil o‘tib, rejissyor filmning davomini olishga jur’at etdi va u juda o‘rinli bo‘ldi. Ajoyib aktyorlik tarkibi, ta’sirchan janglar, qiziqarli sahnaorti o‘yini - hammasi mavjud. Hatto birinchi qismni ko‘rmagan bo‘lsangiz ham, “Gladiator 2” tushunarli va qiziqarli blokbasterga aylanadi.

Dyuna: Ikkinchi qism

Asl nomi: Dune: Part Two

Janri: fantastika, drama, jangari

Rejissyor: Deni Vilnev

Bosh rollarda: Timoti Shalome, Zendeya, Rebekka Fergyuson, Xaver Bardem

IMDb reytingi: 8,5/10

Nima haqida: Bosh qahramon, Atreydeslar uyining yosh merosxo‘ri, qimmatbaho resurs qazib olinayotgan sayyoraning tub aholisi safiga qo‘shiladi. Yigitning vazifasi og‘ir: uni “tanlangan” deb atashadi va u na o‘z urug‘ini va na yangi ittifoqchilarini alday oladi. Bu orada dushmanlar kuchlarini ko‘paytiradi va barcha Atreydeslarni yo‘q qilishga tayyorlanishadi.

Nima uchun tomosha qilish kerak: Vilnev ajoyib tarzda mashhur filmlarga ikkinchi hayot bag‘ishlaydi. Avvaliga u original filmdan aslo qolishmagan ajoyib “2049 tig‘ida yuguruvchi” filmini chiqardi. Keyin esa, yumshoq qilib aytganda, ekranga olib chiqish qiyin bo‘lgan keng ko‘lamli olam - “Dyuna”ga qo‘l urdi. Ammo rejissyorda yana bir bor hammasi muvaffaqiyatli chiqdi. Mayli birinchi “Dyun” juda sekin va hatto meditativ bo‘la qolsin, lekin “Ikkinchi qism” - bu ajoyib sahnalar va kutilmagan vaziyatlarga ega haqiqiy jangari film. Chiroyli manzaralarga boy mazmunli blokbaster tomosha qilishga aniq arziydigan film.

Furiosa: Telba Maks yilnomalari

Asl nomi: Furiosa: A Mad Max Saga

Janr: fantastik, jangari

Rejissyor: Jorj Miller

Bosh rollarda: Anya Teylor-Joy, Kris Xemsvort, Eyla Braun

IMDb reytingi: 7,5/10

Nima haqida: Bu ushbu olam haqidagi oldingi filmga havola bo‘lgan prikvel. Syujet 2015-yildagi “Aqldan ozgan Maks: G‘azab yo‘li” filmi qahramon Furiosaning bolaligi va yoshligiga bag‘ishlangan edi. Voqealar joyi - post-apokaliptik dunyoda benzin va o‘q-dorilar uchun doimiy kurash ketayotgan cho‘l hududlari. Qizchani baykerlar to‘dasi o‘g‘irlab ketadi, keyin esa uni bir qudratli aholi punkti boshlig‘i bilan shartnomaga almashtiradi. Voyaga yetgach, Furiosa baykerdan onasining o‘limi va toptalgan bolaligi uchun qasos olmoqchi bo‘ladi.

Nima uchun tomosha qilish kerak: Qandaydir katta tomoshaga harakat qilmaydigan ajoyib jangari film. Shunchaki ixtirochilik ta’qiblari, mahsuldor portlashlar, shafqatsiz janglar, xullas, hammasi ana shular haqida. Ha, umuman olganda, “G‘azab yo‘li” yaxshiroq chiqqan: unda dinamika, ijodkorlik va xilma-xillik ko‘proq. Ammo bu olamda  “Furiosa”dan boshqa biron-bir yangi narsani istasangiz, sizga boshqa tanlov yo‘q. Bundan tashqari, film “G‘azab yo‘li” voqealari oldidan Sitadelida nimalar sodir bo‘lgani haqida ko‘proq tushuncha beradi.

Boshqotirma 2

Asl nomi: Inside Out 2

Janr: animatsiya, komediya

Rejissyor: Kelsi Mann

Bosh rollarda (ovoz): Emi Poler, Mayya Xok, Kensington Tallman, Liza Lapira

IMDb reytingi: 7,6/10

Nima haqida: Birinchi qismdagi qahramon qizaloq Rayli katta bo‘ldi. Endi u o‘smir, bu esa his-tuyg‘ularning yanada murakkablashishini anglatadi - shu tarzda Xavotir, Hasad, Xijolat va Zerikish qahramonlari paydo bo‘ladi. Bularning barchasi, ayniqsa Rayli dugonalari bilan xokkey lageriga borganda yangi kechinmalariga sabab bo‘ladi. Qizaloq jamoaga kirishni xohlaydi, lekin ba’zi his-tuyg‘ularga ishonib, boshqalari bilan esa kurashishiga to‘g‘ri keladi.

Nima uchun tomosha qilish kerak: Pixar - filmlarini hammaga tavsiya qilish mumkin bo‘lgan studiyalardan biri. Kompaniyaning deyarli barcha animatsion filmlarini kattalar va bolalar uchun qiziqarli bo‘lgan haqiqiy durdonalar deyish mumkin. “Boshqotirma 2” tuyg‘ular beqarorligi va u bilan bog‘liq xatti-harakatlarni ajoyib tarzda ochib beradi, shu bilan birga, bizning impulsiv xatti-harakatlarimiz chetdan qanday ko‘rinishi mumkinligini va ular aslida nimani anglatishini ko‘rsanamoyon etadi. Film prokatda katta xitga aylandi: u deyarli 1,7 milliard dollar yig‘di, bu esa uni 2024-yilning eng daromadli filmiga aylantirdi.

Yovvoyi robot

Asl nomi: The Wild Robot

Janri: аnimatsiya, sarguzasht

Rejissyor: Kris Sanders

Bosh rollarda: Lupita Niongo, Pedro Paskal, Kit Konnor

IMDb reytingi: 8,2/10

Nima haqida: Robot kimsasiz orolga tushib qoladi va nima bilan shug‘ullanishini tushunishga harakat qiladi. Shunday qilib, u hayvonlar bilan tanishadi va kichik g‘ozni o‘z qaramog‘iga oladi. Tulki robotning yordamchisi bo‘lib, o‘zicha aqlli va yangi do‘stiga atrofdagi narsalarga oqilona nazar tashlashni maslahat beradi.

Nima uchun tomosha qilish kerak: O‘zini noodatiy sharoitlarda topish haqidagi ajoyib va kulgili hikoya. Qiziqarli vaziyatlar, to‘g‘ri axloq va abadiy qadriyatlarni ta’kidlash - bularning barchasi “Yovvoyi robot”ni bolalar bilan oilaviy tomosha uchun ajoyib variantga aylantiradi.

Anora

Asl nomi: Anora

Janr: drama, komediya

Rejissyor: Shon Beyker

Bosh rollarda: Mayki Medison, Mark Eydelshteyn, Yuriy Borisov

IMDb reytingi: 8,0/10

Nima haqida: Ota-onasining boyligini tinimsiz sovuradigan rus oligarxining o‘g‘li Vanya Nyu-Yorkdagi navbatdagi sayil paytida striptizchi Anora bilan uchrashib qoladi. Yoshlar bir-birlarini tezda sevib qoladilar va hatto turmush qurishga ham ulguradilar. Vanyaning boy otasini o‘g‘lining bunday xatti-harakati hayratda soladi va xafa qiladi - va u “o‘z odamlariga” vaziyatni o‘rganishni va bir vaqtning o‘zida teng bo‘lmagan nikohni bekor qilish vazifasini topshiradi.

Nima uchun tomosha qilish kerak: Bu 1990-yilda olingan Juliya Roberts va Richard Gir ishtirokidagi “Sohibjamol” filmining yangi talqiniga o‘xshaydi. Faqat komediyali epizodlar bilan birga dramatik lahzalar ham paydo bo‘ladi. Bunday tengsiz nikohda er-xotin qanday bo‘lishi kerak? Anora o‘zining oldingi hayoti haqidagi stereotiplardan qanday xalos bo‘lishi mumkin? Tuyg‘ular tinchiganda va yosh kelin-kuyovlar o‘zlariga va o‘z juftlariga e’tiborliroq qaraydigan bunday ittifoqning umuman istiqboli bormi? “Anora” Kann kinofestivalining “Oltin palma novdasi” mukofotini olishga ulgurdi - va bu filmning so‘nggi sovrini emas.

Yovuz: G‘arb jodugari ertagi

Asl nomi: Wicked

Janri: Fentezi

Rejissyor: Jon M. Chu

Bosh rollarda: Sintiya Erivo, Ariana Grande, Jeff Goldblum

IMDb reytingi: 8,0/10

Nima haqida: Ikki yosh jodugar sehrgarlik universitetida uchrashishadi va ular boshlanishiga chiqisha olmaydilar. Ammo asta-sekin qizlar bir-birlariga ishonishni va qadrlashni boshlaydilar, keyin esa ularda Zumrad shaharga borish imkoniyati tug‘iladi. Shu paytdan boshlab jodugarlarning haqiqiy sarguzashtlari boshlanadi.

Nima uchun tomosha qilish kerak: Bu “O‘z mamlakati” olamidagi mashhur musiqiy filmning kino moslashuvi, film a’lo darajadagi aktyorlik tarkibi va yuqori sifatli grafikasi bilan ajralib turadi. Bundan tashqari, yaxshilik va yomonlik o‘rtasidagi ziddiyat haqidagi klassik syujetning yangi talqinini ham ta’kidlash joiz.

Bittljus Bittljus

Asl nomi: Beetlejuice Beetlejuice

Janri: komediya, fantaziya

Rejissyor: Tim Burton

Bosh rollarda: Maykl Kiton, Vaynona Rayder, Jenna Ortega

IMDb reytingi: 6,7/10

Nima haqida: Uch ayoldan iborat oila - Lidiya o‘smir qizi Astrid va o‘gay onasi Deliya bilan vaqtincha o‘zlarining eski uylariga ko‘chib o‘tishadi. Astrid o‘z oilasining sirlarini aniqlashga tushadi va shunda Lidiya unga tiriklar dunyosiga uch marta nomini aytib chaqirish orqali taklif etish mumkin bo‘lgan o‘ziga xos arvoh Bitljus haqida so‘zlab beradi. Muayyan voqealar tufayli oila unga murojaat qilishga majbur bo‘ladi va bu ularning hayotini tubdan o‘zgartirib yuboradi.

Nima uchun tomosha qilish kerak: Tim Burton - zamonamizning eng o‘ziga xos rejissyorlaridan biri, uning aksariyat filmlarini “qora yumorga ega qayg‘uli ertaklar” deb ta’riflash mumkin. Bu safar u o‘zining sevimli janridagi ishini mavhum, komediya va yengil xorror kesishuvida davom ettiradi. Bu o‘ziga xos yumor va ajoyib aktyorlar tarkibidagi qiziqarli film: Maykl Kiton, Monika Beluchchi va Vaynona Rayder kabi darg‘alar, shuningdek, Gollivudning yangi avlod vakillari - masalan, “Uensdey” yulduzi (darvoqe, serial ham Tim Berton tomonidan suratga olingan) Jenna Ortega ham bor.

Usta va Margarita (2024)

Janri: drama, fantaziya

Rejissyor: Mixail Lokshin

Bosh rollarda: Avgust Dil, Yuliya Snigir, Yevgeniy Siganov

IMDb reytingi: 7,2/10

Nima haqida: Bu syujetni tasvirlab berishning deyarli imkoni bo‘lmagan holat. Agar faqat tugunni oladigan bo‘lsak, 1930-yillar Moskvada sirli odam (aslida u unchalik ham odam emas) Voland paydo bo‘ladi. U  butun karerasi shubha ostida bo‘lgan dramaturg Ustaning muhitiga kirib boradi - yozuvchining pyesasi antisovet yo‘nalishida ayblanmoqda. Ishchi kechinmalaridan tashqari, qahramonning shaxsiy ehtiroslari ham bor - qahramonga nikohidan baxtsiz ayol Margarita  tinchlik bermaydi. Bularning barchasi ishtirokchi shaxslar o‘rtasida murakkab munosabatlarga olib keladi.

Nega tomosha qilish kerak: “Usta va Margarita” nafaqat Mixail Bulgakovning, balki umuman rus adabiyotining ham asosiy durdonalaridan biridir. Bunday keng qamrovli va mashhur asarni ekranlashtirish juda qiyin. Qizig‘i shundaki, garchi, murakkab syujetni 2,5 soatlik filmga joylashtirish qiyin bo‘lsa-da, u juda ham maqtashga arzirli  chiqdi. Qolaversa, ayrim tanqidchilar hatto bu versiyani romanning eng yaxshi kino moslashuvi deb ham atashmoqda.

Brutalist

Asl nomi: The Brutalist

Janri: drama

Rejissyor: Breydi Korbet

Bosh rollarda: Adrian Brodi, Felisiti Jons, Gay Pirs

IMDb reytingi: 8,1/10

Nima haqida: Vengriyalik me’mor Xolokostdan qochishga muvaffaq bo‘ladi va urush tugaganidan so‘ng rafiqasi bilan AQShga jo‘nab ketadi. Ular ko‘p imkoniyatlar va’da qilayotgan o‘zga yurtda yangi hayot boshlashni xohlaydilar. Avvaliga ishlari unchalik ham yurishmaydi, ammo arxitektor uni murakkab loyihaga ko‘ndirgan yangi badavlat mijoz bilan tanishganida hamma narsa o‘zgarib ketadi.

Nima uchun tomosha qilish kerak: Vaziyat bilan kurashish va o‘z maqsadi yo‘lida har qanday to‘siqlarni yengish haqidagi jiddiy film. Bu kapitalizmning rivojlanishi, madaniyatlar o‘rtasidagi farq, Ikkinchi jahon urushidan keyingi dunyoga ko‘nikish haqida mulohazali film. Film Venetsiya festivalida rejissyura uchun “Kumush sher” mukofotiga sazovor bo‘ldi va “Brutalist” filmi “Oskar”da taqdirlanishi ehtimoldan xoli emas.