30-iyul: Do‘stlik bayrami va chizkeyk kuni

Xalqaro do‘stlik kuni 

BMTning hayotdagi asosiy qadriyatlardan biri bo‘lgan, qiyin damlarda bir-biriga yordam berish, hamjihatlikda yashash va do‘stlarni unutmaslik qanchalik muhimligini eslatuvchi bayram. Do‘stlaringizga so‘z bilan, amalda, hatto uzoq masofadan turib ham yordam bering. Bugungi kechqurunni eng yaqin do‘stlaringiz bilan o‘tkazing, agar buning iloji bo‘lmasa, hech bo‘lmaganda Telegram orqali iliq bir xabar yozib qoldiring. 

Snorkling kuni 

Barcha suv ostiga sho‘ng‘ishni sevuvchilar, shuningdek, ajoyib suvosti dunyosi – g‘ayrioddiy baliqlar, korallar va boshqa go‘zal va ajoyib jonzotlarga qiziquvchilar tomonidan qadrlanadigan bayram. 

Chizkeyk kuni 

Dunyodagi eng mashhur shirinliklardan biri bo‘lib, uni Toshkent va boshqa shaharlardagi restoranlar menyularidan topish mumkin. Lekin biz uni uyda pishirishni tavsiya qilamiz – baribir uyda tayyorlangan pishiriqlarning ta’mi yaxshiroq, arzonroq va ko‘proq yeyishingiz mumkin. Hammaga birdek yoqadigan “Nyu-York” chizkeyk retseptini siz bilan bo‘lishamiz. 

Chizkeyk retsepti (18 sm qolip): 

Tvorogli pishloq – 400 g

Tuxum – 2 dona

33% li qaymoq – 400 ml

Shakar – 90 g

Limonli sedrasi (ixtiyoriy)

Pesochniy pechenye – 200 gr

Sariyog‘ – 100 g 

1. Oldin asosni tayyorlab olamiz. Pechenyelarni maydalab, eritilgan yog‘ bilan aralashtiramiz. Massani pech qolipining pastki qismi va devorlariga (4 sm) yoyib chiqamiz.
2. Xona haroratidagi pishloqni shakar bilan aralashtirib, tekis kapgir bilan ezib chiqamiz. Tuxumni birma-bir qo‘shib, har biridan keyin massani silliq bo‘lgunga qadar aralashtiramiz.
3. So‘ng qaymoqni quyib, yana aralashtiramiz. Endi bitta limon sedrasini qo‘shamiz. Massani tayyorlab qo‘yilgan asosga quyamiz.
4. Oldindan 130 gradusga qizdirilgan pechda 1,5 soat davomida pishiramiz. Pechning pastki qavatiga suvli hammom ta’siri uchun suv solingan qo‘shimcha pishirish listini qo‘yamiz.
5. Vaqt tugagach, pechni o‘chirib, chizkeykimiz sovishi uchun uni yana bir soat pech ichida qoldiramiz. So‘ng chizkeykni olib chiqib, sovutgichga 2-3 soatga qo‘yamiz. Tayyor! 

Qaynatalar kuni 

Turmush o‘rtoqning otasi kuni. Bugun shu bayram bilan sevimli qaynatalarni tabriklab qo‘yishni unutmang, birgalikda baliq ovi, yozgi hovlida yoki butun oila a’zolari bilan birgalikda vaqtichoqlik qilish ham sizni, ham qaynatangizni ko‘nglini tog‘dek ko‘tarishi aniq. 

30-iyulda kimlar tug‘ilgan

• Emili Bronte. “Balandliklar” romani hamma o‘qishi kerak bo‘lgan mashhur kitoblar ro‘yxatiga kiritilgan ingliz yozuvchisi.
• Arnold Shvarsenegger. Gollivud aktyori, Kaliforniyaning sobiq gubernatori va unutib bo‘lmas “Terminator”.

• Kristofer Nolan. “Intersteller”, “Oppengeymer” va boshqa ilmiy-fantastik filmlarida vaqt va makonni bo‘ysundirishga muvaffaq bo‘lgan, davrimizning eng zo‘r rejissyori.
• Keyt Bush. 1985-yildagi “Running Up That Hill” qo‘shig‘i 2023-yilda reinkarnatsiyaga uchrab, TikTok va Instagram’da tarqalib ketgan qo‘shiq muallifi.