8-sentabr: moliyachilar bayrami va oshxonada o‘tirish kuni
8-sentabrda dunyoning eng zo‘r universitetlaridan biri – Garvard universitetiga asos solindi, Parijdagi Luvrda rassomlarning suratlari ilk bor namoyish etildi, San-Peterburgda Qozon cherkovi qurildi. Shuningdek, 1888-yilning shu kunida Angliya futbol ligasining birinchi matchi bo‘lib o‘tdi va birinchi “Miss Amerika” toji kiydirildi. Bularning barchasi shu sanada sodir bo‘lgan qiziqarli faktlar, keling, endigi navbatni 8-sentabrda nishonlanadigan bayramlarga beramiz.
Oshxonada o‘tirishlar kuni
Foydali narsalarni yoqimli narsalar bilan birlashtirgan holda – bugungi bayramni oshxonada, do‘stlaringiz va yaqinlaringiz davrasida o‘tkazishga nima yetsin. Mazali taom tayyorlang, choy quyib, yangiliklar bilan o‘rtoqlashing. Eng yaxshi yangiliklar esa Toping.uz’da keltirilgan.
Tankchilar kuni
Sentabr oyining har ikkinchi yakshanbasida eski an’analar va urf-odatlarga asoslangan holda nishonlanadigan bayram. Ba’zi geymerlar ham bu bayramni o‘zlarining bayrami sifatida nishonlashni yaxshi ko‘rishadi, axir, tanklar barcha vaqtlarning eng mashhur kompyuter o‘yinlari ro‘yxatiga kiradi.
Savodxonlik kuni
Xalqaro va juda muhim bayram. Savodxonlik – nafaqat qadriyat, balki yosh avlod uchun hayot tarzi hamdir. Shuning uchun ham bolalarni o‘qishga, yangi narsalarni o‘rganishga va rivojlanishga undash juda muhimdir, axir kelajak ularning qo‘lida!
Moliyachilar kuni
Daromad, byudjet haqida hamma narsani biladigan va pul bilan qanday ishlashni biladigan odam. Shuning uchun bugun moliya sohasida ishlaydigan har bir kishi: bank xodimlaridan tortib inkassatorlargacha bo‘lgan xodimlarni tabriklab qo‘yishni unutmang. Albatta, o‘z mablag‘laringizni hisoblab, ulardan oqilona foydalanishingizni ham tavsiya qilamiz.
Fizioterapiya kuni
Issiq / sovuq, elektr toki, radiatsiya, loy vannalari va massaj yordamida kasalliklarni davolash usuli. Har narsaning me’yorida bo‘lgani yaxshiligini unutmang va shunchaki foydali bo‘lgani uchun emas, balki faqat shifokor tavsiyasi asosida fizioterapiyadan foydalanishingizni tavsiya qilamiz. Xalq tibbiyoti haqidagi afsonalar hali ham mavjud.
