9-sentabr: go‘zallik bayrami va sinovchilar kuni
9-sentabrda Yapon-Xitoy urushi yakunlandi, “Jiguli” avtomobili chiqarildi, Moskvada Anatoliy Karpov va Garri Kasparov o‘rtasidagi mashhur shaxmat turniri boshlandi. Aynan shu sanada Tojikiston mustaqil bo‘ldi, Dubay metrosi ochildi, Yelizaveta II Buyuk Britaniya hukmronligi davri bo‘yicha qirolicha Viktoriyani ortda qoldirdi. Bularning hammasi tarixda shu sanada sodir bo‘lgan esda qolarli voqealar, keling, 9-sentabrda nishonlanadigan bayramlar bilan tanishib chiqamiz.
Go‘zallik kuni
Bu bayram xalqaro estetika va kosmetologiya qo‘mitasi tashabbusi bilan nishonlanadi. Agar orangizda go‘zallik sanoati mutaxassislari – manikyur, kirpik o‘stirish, akne va boshqa teri muammolaridan xalos etadigan, shuningdek, sochlarni zamonaviy rangga bo‘yaydigan kolorist mutaxassislar bo‘lsa, tabriklaymiz!
Yangi odatlar kuni
Jeyms Klir o‘zining “Atom odatlar” kitobida har qanday odat darhol shakllanmasligi, hayotingizga foydali narsalarni qo‘shish (yoki zararli narsalardan qutulish) istagi odatda yetarli emasligini aytadi. Bunda jarayonning o‘zi va intizomingiz muhim ahamiyatga ega. Yangi va foydali odatlarni shakllantirishga tayyormisiz?
Sinovchilar kuni
9-sentabrda nishonlanadigan norasmiy, ammo har holda bayram sifatida nishonlanadigan kun bo‘lib, u nafaqat IT-mutaxassislari, balki kompyuter dasturlarining xatolari yoki (qo‘pol) hazillar sharafiga nishonlanadigan bayramdir.
Ovqatlanishni sevadiganlar kuni
9-sentabrda bayram sharafiga o‘zingizni restoran, kafe yoki muzqaymoq yeyishga borishingizni taklif qilamiz. Yoki o‘zingiz va oilangiz uchun sevimli taomingizni tayyorlab bering. Cheklovlar yo‘q, lekin ortiqcha ovqatlanishdan saqlaning. Ovqat — o‘z yo‘lida, ammo salomatlik – asosiy narsa.
Momiq ayiqchalar kuni
Agar farzandingiz yumshoq o‘yinchoqlarni yaxshi ko‘rsa, demak bu kun unga yangi yumshoq ayiqcha xarid qilishingiz uchun yaxshi sababdir. To‘g‘ri bu qandaydir ma’noda “chang yig‘uvchi” narsa bo‘lishi mumkin, lekin ishoning, bu farzandingizning quvonch manbaiga arziydigan va zararli multfilmlar tomosha qiladigan gadjetlarni o‘rnini bosadigan ancha yaxshi o‘yinchoqdir.
