Afsonaviy Mayk Tayson bloger Jeyk Polga qarshi jangda magʻlubiyatga uchradi (video)
Mayk Tayson va Jeyk Pol oʻrtasidagi har biri ikki daqiqadan sakkiz raundga moʻljallangan boks jangi professional maqomga ega jang bugun, 15-noyabr kuni AQSHning Texas shtati, Arlington shahrida boʻlib oʻtdi. Ushbu qarama-qarshilik Netflix striming platformasi orqali translyatsiya qilindi.
8 raund davom etgan jangda bloger-bokschi Jeyk Pol toʻliq ustunlik qildi va afsonaviy bokschi ustidan gʻalaba qozondi. 58 yoshli Tayson jang davomida koʻproq himoyalandi va faol zarbalarni amalga oshirmadi.
Shunday qilib Tayson faoliyatidagi 7-magʻlubiyatini qabul qilib oldi. Jeyk Pol esa oʻzining 11-gʻalabasini qoʻlga kiritdi.
Shu yilning iyul oyida 27 yoshli Jeyk Pol sobiq UFC jangchisi Mayk Perrini oltinchi raundda nokautga uchratib, professional ringdagi oʻninchi gʻalabasini qoʻlga kiritgan edi.
58 yoshli Mayk Tayson oʻn besh yillik tanaffusdan soʻng 2020-yilning noyabr oyida 54 yoshli kichik Roy Jonsga qarshi koʻrgazmali boks jangini oʻtkazib, durang qayd etgandi.
Jeyk Pol 1997-yil AQSHning Ogayo shtatida tugʻilgan. Professional boks bilan shugʻullanuvchi bloger YouTubedagi kanali bilan mashhur. U platformadan eng koʻp daromad oluvchi blogerlardan biri hisoblanadi.
