Benedikt Kamberbetch ishtirokidagi “Atirgullar” filmining treyleri chiqdi
Bosh qahramonning juftligi Olivita Kolman boʻldi: ular er-xotin — Ayvi va Teo Rouz rollarini ijro etishadi.
O‘xshash mavzular
19.04.2025
Searchlight “Atirgullar” dramasining ilk treylerini taqdim etdi - mashhur “Atirgullar jangi” qora komediyasining yangicha talqini. Film premyerasi 29-avgustga belgilangan.
Rejissyor Jey Rouch (“Ota-onalar bilan tanishuv”, “Ostin Pauers”), ssenariy muallifi esa Yorgos Lantimos bilan hamkorlik qilgan Toni MakNamara (“Sevimli”, “Baxtsiz kambagʻallar”).
Hikoya Uorren Adlerning romaniga asoslangan boʻlib, u allaqachon bir marta ekranlashtirilgan — 1989-yilda filmni Denni DeVito suratga olgan. Yangi talqin, ijodkorlarning taʼkidlashicha, muhabbatning shafqatsiz kurashga aylanishi haqidagi zamonaviy tamsil hisoblanadi.
Bosh rollarni Oliviya Kolman va Benedikt Kamberbetch ijro etishgan. Ular tashqi koʻrinishdan mukammal boʻlgan er-xotin — Ayvi va Teo Rouz rollarini oʻynashadi: muvaffaqiyatli karyera, mehribon farzandlar, Kaliforniyadagi uy. Biroq farovonlik pardasi ortida hal qilinmagan xafagarchiliklar va oʻsib borayotgan ambitsiyalar yashiringan. Teoning karyerasi inqirozga uchrashni boshlaganida, Ayvi yuqorilab boradi va ularning nikohida asta-sekin yoriqlar paydo boʻladi.
Filmda Kamberbetch va Kolmandan tashqari, Endi Semberg, Ellison Djenni, Shuti Gatva, Keyt MakKinnon, Sunita Mani, Djeymi Demetriu, Zoi Chao va Belinda Bromilou ham rol ijro etishgan.
O‘xshash mavzular
