BYD Song Plus: qanday mashina va nima uchun juda mashhur

BYD hatto elektromobillarni sotishda Tesla’dan oldinda bo‘lishni va shu bilan jahon bozorida yetakchi o‘rinni egallashini bashorat qilishdi. 2023-yilning to‘rtinchi choragida u bunga erishdi.

Ishlab chiqaruvchining flagmani “BYD Song Plus” elektromobili bo‘lib, u BYD Song liniyasida 2015-yildan beri seriyali tarzda ishlab chiqarilmoqda. U shaharda haydaladigan eng mashhur krossoverlar qatoriga kiradi. Reliz 2021-yilda bo‘lib o‘tgan.

Song Plus yo‘ltanlamaslar 2020-yilda BYD Song va BYD Song Pro liniyalaridan keyin ishlab chiqarila boshlandi. Ularning raqibi sifatida birinchi navbatda “Volkswagen Tiguan” turadi.

Maqolamizni oxirigacha o‘qing, shunda nima uchun BYD Song juda mashhur bo‘lganini bilib olasiz. 

Song Plus, Audi va Alfa Romeo o‘rtasida qanday umumiylik bor?

BYD Song Plus dizaynining o‘ziga xos xususiyati ilgari Audi va Alfa Romeoda ishlagan Volfgang Egger jamoasining ishtirokidir. Dizayn futuristik elementlar bilan minimalist uslubda amalga oshirilgan. Mashinaning o‘lchamlari 4700x1890x1680 millimetr. G‘ildirak bazasi 2760 millimetrga teng bo‘lib, avtomobilni Mitsubishi Outlander va Skoda Kodiaq bilan tenglashtirish mumkin. Mashinaning eksteryeri 235x50 o‘lchamli va 19 dyum radiusli qotishma g‘ildiraklar, shuningdek, LED yoritgich va ajoyib binafsha rangli faralar bilan to‘ldirilgan.

NFC, zamonaviy iqlimni nazorat qilish tizimi, panorama lyukli tom 

Ta’sirchan yondagi oynalar yo‘l-yo‘lakay buklanishi mumkin, NFC tizimi esa salonga oson kirish imkonini beradi. Salonni isitish va moslashuvchan iqlim nazorat tizimi – bularning barchasi oldindan puxta o‘ylanib o‘rnatilgan.

Quvvatlash elementlari kuzovning har ikki tomonida joylashgan: chap tomondagisi tez quvvatlash uchun, o‘ng tomondagisi esa standart quvvatlash uchun javobgardir. Panoramali tomda lyuk va quyoshdan himoyalovchi plyonka mavjud. 

Texnik xususiyatlari va xavfsizlik tizimi 

BYD Song Plus’ning texnik parametrlariga “Macpherson” tipidagi old podveska va mustaqil ko‘p yo‘nalishli orqa podveskalar kiradi.

 Avtomobil 135 kVt (184 ot kuchi) elektr motor va 280 Nm aylanish momenti bilan jihozlangan.

U 100 km/soat tezlikka 8,5 soniyada erishadi. Kapot ostidagi bo‘sh joy butunlay plastik korpus bilan qoplangan bo‘lib, u texnik suyuqliklar solingan baklarga kirishni ta’minlaydi. Elektromobil “BLADE BATTERY” texnologiyasi bo‘yicha 71,7 kVt/soat quvvatga ega lityum temir fosfat batareyasi bilan jihozlangan. Harakat zaxirasi – issiq mavsumda 480 km va sovuq mavsumda 380 kilometrni tashkil qiladi. U to‘g‘ridan-to‘g‘ri oqimdan tez va o‘zgaruvchan tokdan sekin quvvatlanadi.

Xavfsizlik tizimiga – old va yon xavfsizlik yostiqchasi, mahkamlanadigan old kamar, aylanma ko‘rish tizimi, monitoring, avtosvet, ABS va tormoz kuchini taqsimlash funksiyalari kiradi. Krossover beshta yo‘lovchiga mo‘ljallangan bo‘lib, old o‘rindiqlar oltita yo‘nalishda isitish va elektr sozlamalari bilan jihozlangan. Multirul eko-teri bilan qoplangan bo‘lib, avtomobilni boshqarish qulayligini ta’minlaydi.

Yukxona uchun qo‘shimcha favqulodda belgi, kompressor uskunalari, inverter va adapter mavjud. 2022-yil mart oyidan boshlab BYD Song Plus narxi 32500 dollarni tashkil etadi, bu esa pul va sifat uchun ajoyib tanlovdir. Ushbu krossover shu narxga boy komplektatsiyani taqdim etadi va atrof-muhit uchun xavfsiz hisoblanadi. 

BYD Song Plus narxlari 

2024-yil avgust oyi boshidan boshlab BYD Song Plus elektromobillar narxi jihozlanishi va viloyatga qarab farq qiladi. Quyidagi narxlar tartibiga e’tibor qaratishingiz mumkin:

1. BYD Song Plus EV Comfort: elektromobilning bazaviy versiyasi.

Narxi taxminan 25,000 - 28,000 AQSh dollari.

 2.      BYD Song Plus EV Luxury: yuqori darajadagi qulaylik va qo‘shimcha imkoniyatlarga ega takomillashtirilgan versiyasi.

Narxi taxminan 31,000 - 34,000 AQSh dollari.

 3.      BYD Song Plus EV Premium: maksimal variant va yaxshilangan texnik xususiyatlarga ega eng zo‘r versiyasi.

Narxi taxminan 37,000 - 40,000 AQSh dollari. 

Texnologik yutuqlar, tejamkorlik, barqarorlik, qulaylik va yoqimli dizaynning uyg‘unlashuvi

Aynan ana shu uyg‘unliklar BYD Song Plus avtomobillarining mashhurligiga asos bo‘ldi. 

1. Texnologik yutuqlar

BYD Song Plus modeliga ilg‘or texnologiyalar kiritildi, bu ham xaridorlar, ham mutaxassislarning e’tiborini tortadi:

• Zamonaviy batareyalar.  BYD o‘zining yuqori energiya zichligi, chidamliligi va xavfsizligi bilan ajralib turadigan zamonaviy “Blade Battery” batareyalari bilan boshqalardan foydalanadi.
• Dvigatelning samaradorligi. BYD elektr motorlari yuqori samaradorlik va ishlashga ega bo‘lib, bu esa o‘z navbatida yaxshi dinamik ishlash va energiya tejash imkonini beradi.
• Boshqaruv va xavfsizlik tizimlari. Song Plus ko‘plab zamonaviy haydovchilarga yordam berish tizimlari (ADAS), masalan, avtomatik favqulodda tormozlash, adaptiv kruiz nazorati va chiziq bo‘ylab yurish tizimlari bilan jihozlangan.

2. Dizayn va qulaylik

BYD Song Plus dizayni va qulaylik darajasi uchun ijobiy izohlarga ega bo‘lgan:

• Zamonaviy dizayn. Avtomobil zamonaviy chiziq va elementlarni birlashtirgan jozibali ko‘rinishga egaligi uni vizual jihatdan jozibali qiladi.
• Qulay salon. Song Plusning keng salonida ham haydovchiga, ham yo‘lovchilarga qulaylik yaratish uchun yuqori sifatli qoplama materiallari bilan jihozlangan.
• Axborot-ko‘ngilochar tizimi. Katta sensor ekranli multimedia tizimi, Apple CarPlay va Android Auto’ni qo‘llab-quvvatlash va ovozli boshqaruvning mavjudligi safarni yanada qulay va yoqimli qiladi.

3. Iqtisodiy samaradorlik

BYD Song Plus narx va sifatning raqobatbardosh qiymatini taklif etadi:

• Hamyonbopligi. Xaridorlarning keng doirasida sotib olish imkonini beradigan krossover narxlari raqobatbardosh hisoblanadi.
• Ishlatishda tejamkorligi. BYD elektromobillari past ekspluatatsiya xarajatlariga ega, ular yonilg‘i bilan solishtirganda quvvatlanish xarajatlari kam bo‘ladi, shuningdek, ichki yonuv dvigatellariga xos bo‘lgan murakkab mexanik qismlarning yo‘qligi sababli texnik xizmat ko‘rsatish xarajatlarini ham kam bo‘ladi.

4. Ekologik tozaligi va qonunchilik tashabbuslari

Elektromobillar, shu jumladan, BYD Song Plus’ning mashhurligi, ekologik toza transportga bo‘lgan qiziqishning ortishi bilan bog‘liq:

• Ekologik standartlar. Atrof-muhit standartlarini kuchaytirish va CO2 chiqindilarini kamaytirishga intilish, elektromobillarga bo‘lgan talabni kuchaytiradi. 
• Davlat tomonidan qo‘llab-quvvatlanishi. Ko‘pgina mamlakatlarda elektromobil sotib oluvchilar uchun subsidiya va soliq imtiyozlari mavjud bo‘lib, bu ularni sotib olishni iqtisodiy jihatdan yanada jozibador qiladi.

5. Brend obro‘si va ishonchi

Mashina sotib olishda muhim rol o‘ynaydigan omil – BYD o‘zini ishonchli elektromobillar ishlab chiqaruvchisi sifatida ko‘rsatgani tufayli hamma unga ulkan ishonch hosil qiladi.

• Innovatsiya va tajriba. BYD uzoq vaqtdan beri elektromobillarni ishlab chiqarish va rivojlantirish bilan shug‘ullanadi, bu esa kompaniyaga o‘z texnologiyasini doimiy ravishda takomillashtirish va sifatli mahsulotlarni taklif qilish imkonini beradi.
• Ishonchlilik. Elektromobillarni sotib olgan egalarining ijobiy fikr-mulohazalari va shaxsan test qilib ko‘rishlari BYD avtomobillarining ishonchliligi va chidamliligini ta’kidlaydi.

Kompaniya tarixi

BYD (Build Your Dreams) kompaniyasi 1995-yilda kimyogar Van Chuanfu tomonidan tashkil etilgan va qo‘rg‘oshin kislotali akkumulyatorlarni ishlab chiqarish bilan boshlangan. Uning kapitali atigi 2,5 million yuanni, ya’ni bugungi kurs bo‘yicha taxminan 350 ming dollarni, xodimlar soni esa atigi 20 nafarni tashkil etgan. Keyinchalik BYD Motorola va Nokia kompaniyalariga yetkazib beradigan mobil telefonlar uchun lityum-ion batareyalarni ishlab chiqarishni boshladi.

BYD avtomobilsozlik biznesiga 2003-yilda Chuanfu bankrot bo‘lgan “Qinchuan Automobile” davlat kompaniyasini sotib olganida kirgan. O‘shandan buyon kompaniya “F3” byudjetli sedan va qayta quvvatlanuvchi “F3DM” gibridini o‘z ichiga olgan ko‘plab modellarni ishlab chiqardi.

BYD’ning elektromobillar bozoridagi muvaffaqiyati 2000-yillarning oxirida Xitoy hukumati tomonidan qo‘llab-quvvatlanishi va Uorren Baffetga tegishli “Berkshire Hathaway” kompaniyasining sarmoyasi tufayli boshlandi. 2016-yilda kompaniyaning bosh dizayneri Volfgang Egger bo‘lib, u ilgari Alfa Romeo va Audi kompaniyalarida ishlagan va BYD avtomobillarining dizaynini sezilarli darajada yaxshilagan.

Kompaniyaning muhim yutug‘i 2020-yilda “Blade” seriyali batareyalarni ishlab chiqarishi bo‘ldi. Ushbu lityum temir fosfat batareyalari yuqori, o‘ziga xos quvvat va xavfsizlikka ega. 2021-yil bahorida kompaniya millioninchi elektrlashtirilgan avtomobil ishlab chiqarib, bir yildan so‘ng sof benzinli modellarni ishlab chiqarishni to‘xtatdi. 

2023-yilda BYD o‘z mashinalarining eksport ta’minotini o‘tgan yilga nisbatan 334 foizga oshirdi va 242,765 donani tashkil etdi. Joriy yilning to‘rtinchi choragida kompaniya elektr transport vositalarini sotish bo‘yicha Tesla’ni ortda qoldirib, global bozorda yetakchi bo‘lish bo‘yicha ulkan rejalarini tasdiqladi.

BYD hozirda ikkita asosiy model qatori: Buyuk Xitoy sulolalari nomi bilan atalgan “Dynasty” hamda “Dolphin” va “Seal” modellarini o‘z ichiga oladigan “Ocean”ni ishlab chiqaradi. Shuningdek, “Denza”, “Fangchengbao” va “Yangwang” sho‘ba markalari mahsulotlari ham mavjud. Yevropada BYD avtomobillari Vengriyadagi 2025-yilning ikkinchi yarmida ishga tushirilishi kerak bo‘lgan yangi zavodda yig‘ila boshlaydi.