Gollivudda yong‘inlar davom etmoqda. Qaysi mashhurlar uylaridan ayrildi?

Ben Afflek

Jennifer Lopezning sobiq turmush o‘rtog‘i ijara asosida yashayotgan uyi yong‘indan zarar ko‘rganligi haqida yaqinda ma’lum bo‘ldi. Internetdagi suratlarda u Jennifer Garner bilan bo‘lgan nikohidan tug‘ilgan farzandlarini zudlik bilan evakuatsiya qilayotgani va voqea joyiga qaytib kelib, ko‘zlarida yosh bilan avtomobil ichidan voqeani kuzatayotgani aks etgan.

Peris Xilton

Hilton mehmonxonalari tarmog‘i merosxo‘ri va ikki minginchi yillarning eng mashhur malla sochli qizi o‘zining yozgi uyidan ajralganini yangiliklardan bilgan. Bu haqda Hilton so‘nggi intervyusida so‘zlab berdi. Endi u ta’til o‘tkazish uchun yangi joy qidirishga majbur bo‘ladi, bu joy esa Kaliforniya tepaliklaridan iloji boricha uzoqroq bo‘lsa yaxshi bo‘ladi.

Bredli Kuper

Tabiat talafoti eng mashhur aktyorlardan biri va Irina Sheykning sobiq erining uyini ham ayab o‘tirmadi. Qanchalik zarar yetgani va zararni qoplashga qancha million ketishi hozircha noma’lum. Shubhasiz, Bredlining sug‘urtasi bor va u mashhur sobiq rafiqasidan vaqtinchalik boshpana so‘rashi mumkin. Axir ularni umumiy farzand oz bo‘lsada bog‘lab turadi.

Anna Feris

“Qo‘rqinchli kino” filmi yulduzining uyi ham yonib ketdi, lekin aktrisa va uning oilasi evakuatsiya qilinishga ulgurdi, ular omon. Ushbu uy Feris uchun ayniqsa qadrli edi, chunki u uni o‘zining birinchi katta gonorari evaziga sotib olgan va u yerda ajrashishlaridan oldin “Galaktika qo‘riqchilari” aktyori Kris Pratt bilan turmush qurgan yillarida baxtli yashagan.

Entoni Xopkins

Golivuddagi yong‘inda yana bir zarar ko‘rgan shaxs bu kinomotografiyadagi buyuk aktyor Entoni Xopkins bo‘ldi. Keksa “Gannibal Lekter” o‘z uyidan chiqib ketishga ulgurgan, lekin deyarli hamma narsasini, jumladan, TikTok uchun qiziqarli videolar suratga olgan oshxonasini ham yo‘qotgan.

Obri Plaza

“Oq lotos” yulduzi hayotidagi eng fojiali yilni boshdan kechirmoqda: yil boshida Obri Plazaning eri, rejissyor Jeff Baen, 47 yoshida o‘z joniga qasd qilgan edi, endi esa u o‘z uyidan ayrildi. Serial yulduzi o‘zini o‘nglab, oilasi uchun yangi hayot boshlashiga umid qilish mumkin.

Adam Brodi va Leyton Mister

Golivudning eng chiroyli juftliklaridan biri Leyton Mister va Adam Brodi “Oltin globus” mukofoti marosimidan quvnoq holda qaytib, o‘z uylarini kulga aylangan holda ko‘rishgan. Yaxshiyamki, “Gossip Girl” va “Nobody Wants This” seriallari yulduzlarining bolalari qarindoshlari bilan birga bo‘lgan.

Maylo Ventimilya

“Bu biz” seriali yulduzi ham oilasi bilan o‘z uyidan ayrildi. Muxlislar esa bu vaziyatni “taqdirning ishorasi” deb baholashdi. Serialda ham Ventimilya shunday vaziyatga tushib qolgandi. To‘g‘ri, serialdagi yakun ancha fojiali bo‘lgandi, lekin buni serialning o‘zidan bilib olishingiz mumkin.

Kendall Jenner

Yangi yil arafasida Kendall Jenner “AD Magazine” jurnali uchun intervyu berib, o‘zining mukammal bezatilgan uyi bilan maqtangandi. Muxlislar hayratda, tanqidchilar esa hasadda edi – endi bu ajoyib uy yo‘q va Kim Kardashianning singlisi qayg‘udan o‘ziga joy topolmayapti.