Hande Erchel: suratga tushgan seriallari, uslubi va “Eshigimni taqillat” yulduzining barcha uchrashgan yigitlari

Hande Erchel biografiyasi

Tug‘ilgan sanasi: 24-oktyabr, 1993-yil

Burji: Chayon

Tug‘ilgan joyi: Bandirma

Bo‘yi: 1,75 sm

Vazni: 55 kg

Oilaviy holati: turmushga chiqmagan

Hande kichik shaharchada tug‘ilib, bolaligidan ijodkor qiz bo‘lgan. Maktab spektakllarida qatnashgan, san’atni o‘rgangan va go‘zallik tanlovlarida g‘olib bo‘lgan. Yorqin tashqi ko‘rinishi tufayli u tezda ko‘zga tushib, turk seriallariga taklif etilgan.

Hande Erchel suratga tushgan seriallar

Choliqushi

Gyuneshning qizlari

Malikam endi qara

Qora marvarid

Azize

Halqa

Eshigimni taqillat

Mutlaqo o‘zgacha

Yaqin kunlarda Erchelning yangi seriali – “Buni shamolga qoldir” ekranga chiqadi. Uning ilk treyleri allaqachon e’lon qilingan.

Uning bu safargi birga suratga tushadigan sherigi – Turkiyaning seks-simvoli Barish Ardush. Ular orasida allaqachon ishqiy munosabatlar bor degan mish-mishlar tarqalgan. Ammo aktrisaning yuragi band va u deyarli hech qachon yolg‘iz bo‘lmagan – bunga uning shaxsiy hayoti misol.

Shaxsiy hayoti

“Hande Erchel kim bilan uchrashmoqda?” – bu savol “Eshigimni taqillat” serialidan beri eng ommabop qidiruv so‘rovlaridan biri. Uning erkaklari esa eng kelishgan va mashhurlari bo‘lgan.

Erchelning birinchi yigiti – aktyor va model Ekin Mert Daymaz. U kiyim brendlari uchun suratga tushadi va “Qulupnay hidi” serialida rol o‘ynagan. Ammo juftlik tez orada ajralgan.

Keyinchalik Erchelning “Muhtasham yuz yil” yulduzi Tolga Saritash va aktyor Burak Deniz bilan uchrashgani haqida mish-mishlar tarqaldi. Ammo aktyorlar bu munosabatlarni inkor etishdi.

2018-yilda u mashhur pop-xonanda Murat Dalkilich bilan uchrashishni boshladi. Ular orasidagi 10 yosh farq ham, Muratning ajrashgan bo‘lishi ham munosabatlarga halal bermadi. Ammo 2 yillik muhabbat, shu vaqtda ular ko‘p narsani: yaxshi va yomon kunlarni, OAV bosqini va Erchel onasining vafoti kabi hodisalarni birga boshdan kechirganidan so‘ng juftlik endi bir-biriga muhabbat tuyg‘ulari qolmagan degan vaj bilan ajrashdi.

2021-yilda butun dunyo “Eshigimni taqillat” seriali va uning bosh qahramonlari – Eda va Serkan haqida gapira boshladi. Bu rollarni Hande Erchel va uning hamkasbi Kerem Byursin ijro etishgan. Dastlab, yulduzlar o‘z munosabatlarini inkor qilishdi, lekin keyin Maldiv orollariga birga dam olishga ketishdi. Orqaga qaytgach esa munosabatlarini yashirmay qo‘yishdi. Ularning sevgisi 2022-yilgacha davom etdi. Ko‘pchilik buni serial prodyuserlarining piar harakati deb o‘ylasa-da, muxlislar munosabatlar haqiqiy bo‘lganiga ishonishadi.

Ammo Hande Erchelning yuragini zabt eta olgan inson – millioner, qalblarni zabt etuvchi va “turk Getsbisi” – Hakan Sabanchi bo‘ldi. Juftlik hashamatli sayohatlari haqida suratlar joylashadi, Kannes kinofestivali kabi tadbirlarda birga porlaydi, oila yig‘ilishlariga tashrif buyuradi va juda baxtli ko‘rinadi. 2024-yilda turk nashrlari Hande Erchel va Sabanchining tez orada turmush qurishi mumkinligi haqida xabar tarqatishdi. Ammo aktrisa hali bu ma’lumotni tasdiqlamagan.

Hande Erchel: uslubi

Hande Erchel Turkiyaning moda ikonasiga aylangan. Uning Instagram sahifasi esa ko‘plab qizlar uchun ilhom manbai. Uning uslubiy obrazlari, ideal pardozi, zamonaviy soch turmaklari, mashhur jurnallar uchun fotolari va har kun uchun maxsus autfitlari barchani o’ziga rom qiladi.

U monoxrom uslubni yoqtiradi, figurasini ta’kidlaydigan va oversayz kiyimlarni bemalol uyg‘unlashtiradi. Asossiz tashqariga chiqmaydi – xususan, uzuklar va kafflar uning eng sevimli aksessuarlari.

U jozibali qomatini saqlashga harakat qiladi: parhezga emas, balki balansli ovqatlanishga amal qiladi, sport zalga qatnaydi va faol hayot tarzini olib boradi. Shu sababli, u kiygan har qanday kiyim unda juda mukammal ko‘rinadi.