Samarqandda alohida ehtiyojli bolalar uchun xalqaro festival bo‘lib o‘tdi
"Samarqand - madaniyatlar chorrahasi" Markaziy Osiyo inklyuziv festivali beshinchi bor O‘zbekiston, Rossiya, Qozog‘iston, Qirg‘iziston va Tojikistondan kelgan bolalarni jamladi. Bayram Bibixonim tarixiy-me’moriy yodgorligi yonida bo‘lib o‘tdi.
Kinolarni bepul ko‘rish imkoniyati!
Iqtidorlar festivalida saksondan ortiq o‘g‘il-qiz ishtirok etdi. Bu safar ishtirok etishni xohlovchilar shunchalik ko‘p ediki, saralash bosqichini o‘tkazishga to‘g‘ri keldi.
Festival tashabbuskori - Samarkand Art House markazi bo‘lib, uning bazasida autizm, BMF, Daun sindromi va boshqa xususiyatlarga ega bo‘lgan bolalarning o‘zini o‘zi anglashi uchun maydoncha yaratildi. Bu yil festivalga Osiyo taraqqiyot banki beqiyos yordam ko‘rsatdi, u festival hamkoriga aylanib, bolalar va ularning ota-onalari uchun ushbu bayramni tashkil etishga ko‘maklashdi.
Uch kun davomida bolalar kulolchilik va tasviriy san’at bo‘yicha mahorat darslarida ishtirok etishdi, raqsga tushishdi, teatr tomoshalarini ko‘rsatishdi, sport yutuqlari bilan hayratda qoldirishdi, qizil yo‘lakchada milliy va kechki liboslarni namoyish etishdi (zargar Baxtiyor Yoqubov ishtirokchilarga 28 ta eksklyuziv toj yasab, sovg‘a qildi, ular bilan "Quyosh go‘zali" tanlov ishtirokchilari taqdirlandi).
Bunday voqealar ota-onalarga o‘ziga xos farzandni qanday rivojlantirish mumkinligini ko‘rsatadi. "Ushbu tadbirga hissa qo‘shgan barchaga ta’zim qilaman", - deydi qozog‘istonlik Stanislava Chernova, uning 13 yoshli o‘g‘li festivalda ishtirok etib, "Aqlli janob" unvoniga sazovor bo‘ldi.
O‘xshash mavzular
