HBO rahbari Jon Snou haqidagi serial boʻlishi yoki boʻlmasligi haqida gapirdi
HBO bosh direktori Keysi Bloys “Taxtlar oʻyini” olamidagi Jon Snou haqidagi serial hozircha rejalashtirilmaganini, ammo loyiha ustidagi ish qayta boshlanishi mumkinligini aytdi.
Kinolarni bepul ko‘rish imkoniyati!
Deadline nashrining eslatishicha, aprel oyida Kit Xarington ilhom beruvchi hikoyaning yoʻqligi sababli uning qahramoni haqidagi serial davom etmasligini maʼlum qilgan edi. Biroq, Bloysning hozirgi bayonotlari loyiha butunlay yopilmasligiga umid uygʻotmoqda.
“Taxtlar oʻyini”ning sakkiz mavsumi suratga olingan. HBO “Ajdarho uyi” prekveli ikki mavsumini chiqarish orqali bu olamni kengaytirishda davom etmoqda. Shuningdek, “Taxtlar oʻyini” va “Ajdarho uyi” voqealari oʻrtasida xronologik jihatdan joylashgan “Yetti qirollik ritsari” nomli yangi serial tayyorlanmoqda.
Jon Snou haqidagi serialni qayta ishlab chiqishga qanday omillar taʼsir qilishi mumkinligi hozircha nomaʼlum, ammo muxlislar hali ham sevimli qahramonlarining hikoyasi davom etishiga umid qilishlari mumkin.
O‘xshash mavzular
