Kredit kartadan qanday to‘g‘ri foydalanish kerak: moliyaviy xavfsizlik bo‘yicha maslahatlar
Kredit kartalari moliyaviy hayotingizda agar ulardan to‘g‘ri foydalanilsa, haqiqiy yordamchi bo‘lishi mumkin. Ushbu maqolada kredit kartasidan muammolar o‘rniga foyda va hatto daromad olish uchun amal qilinishi kerak bo‘lgan sakkiz asosiy qoidani ko‘rib chiqamiz.
Foizlarga olib bormang – qarzni imtiyozli davr tugamasdan to‘lang.
Kredit kartasining eng katta afzalliklaridan biri – bu foizlar hisoblanmaydigan imtiyozli davr. Yuqori foizlardan qochish uchun qarzni to‘liq imtiyozli davr tugamasidan oldin to‘lashga harakat qiling.
Kredit kartasidan sarflaydigan pul miqdori, mablag‘laringizdan ortiq bo‘lmasligi kerak.
Shaxsiy moliyaning oltin qoidasi: imkoningizdan ortiq pulni sarflamang. Bu qoida ayniqsa, kredit kartalari uchun muhim, chunki osonlikcha kelgan mablag‘lar tez sarflanadi va siz o‘zingiz bilmagan holda qarz tuzog‘iga tushib qolishingiz mumkin.
Mablag‘laringizni foiz to‘laydigan yig‘im hisobida yoki debit kartada saqlang.
Oddiy hisobda mablag‘larni saqlash o‘rniga, ularni foiz to‘laydigan yig‘im hisobiga yoki debit kartaga qo‘yish tavsiya etiladi.
Shunda siz qo‘shimcha daromad olib, kredit kartasi qarzlarini to‘lash uchun mablag‘larni vaqtida chiqarishingiz mumkin.
Kredit kartasidan naqd pul yechmang va boshqa bank hisoblariga pul o‘tkazmang.
Naqd pul yechish yoki kredit kartasidan boshqa hisoblarga pul o‘tkazish odatda yuqori komissiya va darhol foizlar hisoblanishi bilan bog‘liq. Agar komissiyalarga katta summa yo‘qotishni xohlamasangiz, bu operatsiyalarni amalga oshirmaganingiz ma’qul.
Bonuslardan foydalaning
Ko‘plab kredit kartalar keshbek, milya va chegirmalar kabi bonus dasturlarini taklif etadi. Kartangizning shartlarini diqqat bilan o‘rganib, taklif etilgan barcha imtiyozlardan faol foydalaning.
Kredit mablag‘larini garov sifatida foydalaning.
Kredit mablag‘lari avtomobil ijarasi, mehmonxona bron qilish yoki boshqa shunga o‘xshash vaziyatlarda garov sifatida foydali bo‘lishi mumkin, bu yerda mablag‘larni bloklash talab etiladi.
Bu mablag‘laringizni saqlab qolishga yordam beradi.
Kredit tarixingizni yaxshilash uchun kredit kartangizdan foydalaning
Vaqtida kredit kartasi bo‘yicha to‘lash va kredit kartasidan muntazam foydalanish, keyin esa qarzni to‘liq to‘lash, kredit tarixingizni yaxshilashi mumkin. Bu sizni bank va boshqa moliya muassasalari oldida ishonchli qarz oluvchi qilib ko‘rsatadi.
Boshqa kreditlar bo‘yicha kechikishlarga yo‘l qo‘ymang.
Kredit tarixingiz kredit kartasi bo‘yicha to‘lovlardan tashqari, boshqa kreditlar bo‘yicha majburiyatlarning bajarilishini ham hisobga oladi. Kechikishlardan qochishga harakat qilib, barcha qarzlarni o‘z vaqtida to‘lang, shunda kreditorlar oldida yaxshi obro‘ saqlaysiz.
Kredit kartadan to‘g‘ri foydalanish – qarzlardan saqlab, mablag‘laringizdan maksimal foyda olishga yordam beradi. Tavsiyalarimizga amal qiling va kredit kartasidan oqilona foydalaning, shunda u moliyaviy hayotingizda ishonchli yordamchingizga aylanishi mumkin.
