2025 йилнинг энг гўзал аёли эълон қилинди
People журнали 62 ёшли Деми Мурни 2025 йилнинг энг гўзал аёли деб эълон эълон қилди.
Бу дунёда ностандарт кўринишга бўлган эътибор ортиб бораётгани ва нафақат ёш қизларга, балки ёши катта аёлларга ҳам эътибор қаратилаётганининг яққол исботидир.
«Дунёдаги энг гўзал аёл — шубҳасиз, бу Деми!», деб ёзилган People журналида чоп этилган суҳбатнинг сарлавҳасида. Суҳбат давомида актриса ўзининг касб фаолияти ва гўзаллик унинг учун қандай маъно касб этиши ҳақидаги саволларга жавоб берди.
Интервю ҳар йили ўтказиладиган People мукофоти натижаларига бағишланган бўлиб, унга кўра, 62 ёшли Деми Мур дунёдаги энг гўзал аёл сифатида тан олинган. Интервюда актриса ёши билан у ўзига нисбатан камроқ талабчан бўлиб қолганини, машғулотлар билан чарчамаслигини ва унинг қаришини қабул қилганини тан олди.
Нафақат кинотанқидчилар, балки ижтимоий тармоқ фойдаланувчилари ҳам ўтган йили «Субстанция» фильми чиққандан кейин машҳур актрисанинг ҳаётини фаол кузатиб боришди. Ажойиб ижро, ақл бовар қилмайдиган гўзаллик ва харизма Демига ўтган йилнинг энг кўп муҳокама қилинган актрисаларидан бири унвонини тақдим эта олди.
Деми Мур «Олтин глобус» ва бошқа нуфузли кино мукофотлардан ташқари, яқинда Time нашрининг энг нуфузли аёли деб топилди. Аввалроқ юлдуз шу нашрнинг «Йил аёли» рўйхатини бошқарган эди.
Буни ҳам ўқинг
