Xboxʼнинг кейинги авлоди портатив ва стационар консолга эга бўлади
Охирги хабарларга кўра, Microsoft кейинги авлод Xboxʼда нафақат стационар, балки портатив консолни ҳам чиқаришни режалаштирмоқда. Бу маълумотни Windows Central (WC) журналисти Джез Корден ошкор қилди. У келажакдаги портатив моделни Valveʼнинг Steam Deck билан таққослади.
Анъанавий уй консоли Xbox Series Х линиясини давом эттириб, юқори унумдорлик ва мураккаб графикада ўйинларни ишга тушира оладиган кучли қурилма бўлиши кутилмоқда. У Sonyʼнинг PlayStation билан рақобатлашишда давом этади.
Портатив Xbos ҳақидаги миш-мишлар бир мунча вақтдан бери тармоқда ва Миcрософт ва Федерал Савдо Комиссияси (FTC) ўртасидаги суд жараёнидаги эслатмалар, шунингдек, Microsoft Gaming раҳбари Фил Спенсернинг портатив консолларни қўллаб-қувватлаш ҳақидаги баёнотлари билан тасдиқланган.
«Чамаси, Xbox барча жуфтликларда ўзининг навбатдаги ускуналари тўплами билан олдинга интилмоқда, биз манбаларимиз маълумотларига асосланиб, камида анъанавий Xbox Series Х вориси ва Microsoftʼнинг портатив сегментидаги биринчи ҳақиқий уринишини ўз ичига олади деб ўйлаймиз», — дейилади Корденнинг Windows Central веб-сайтидаги хабарида.
