O‘zbekistonda o‘rtacha ish haqi qancha va qaysi soha eng ko‘p pul topadi?
Statistika agentligi ma’lumotlariga tayanib, bugungi kunda O‘zbekistonda ish haqi bilan nimalar sodir bo‘layotgani va qaysi kasblar eng ‘‘nonli” va ko‘proq daromad keltirishi haqida bilib oldik.
O‘rtacha ish haqi nima?
Bu korxona, tashkilot va yuridik shaxslarning ma’lumotlari asosida hisob-kitoblarning nominal miqdori. Uni hisoblash uchun rasmiy xodimlarning daromadlari, nafaqa, bonus va ish beruvchi tomonidan to‘lanadigan boshqa kompensatsiyalar hisobga olinadi. Shu bilan birga, daromad solig‘i va kasaba uyushmalariga ajratmalar ko‘rinishidagi chegirmalar e’tibordan chetda qolmaydi.
Bugungi kunda O‘zbekistondagi o‘rtacha ish haqi
Yilning birinchi choraklik davrida (2024-yil yanvar-mart) O‘zbekistonda o‘rtacha ish haqi 7,7 foizga oshdi (2023-yil oxiridagi hisobot davriga nisbatan).
2023-yil yakunlariga ko‘ra – yuridik shaxslarning o‘rtacha ish haqi (kichik biznes va qishloq xo‘jaligini hisobga olgan holda) 3,79 mln so‘mgacha oshdi.
Agar 2024-yilning birinchi choragi haqida gapiradigan bo‘lsak, O‘zbekistonda eng yuqori ish haqi Toshkentda olinadi. Bir necha oy ichida uning ko‘rsatkichi 6,61 mln so‘mdan 8,12 mln so‘mgacha oshdi.
Poytaxtdan keyin Navoiy viloyati o‘rtacha ish haqi 6,5 mln so‘mni tashkil etadi. Uchinchi o‘rinda Toshkent viloyati – 4,76 mln so‘m. Keyin Andijon viloyati – 4,39 mln so‘m. Beshlik Xorazm viloyati bilan tugaydi – u yerdagi o‘rtacha ish haqi 3,43 million so‘mdan 4,008 million so‘mgacha bo‘lgan ko‘rsatkich orasidadir.
O‘zbekistonda o‘rtacha ish haqi bo‘yicha oltinchi o‘rinni Buxoro viloyati egallaydi: 4,004 mln so‘mgacha. Oxirida Surxondaryo viloyati – o‘rtacha ish haqi 3,54 mln so‘mgacha bo‘lgan. Qashqadaryo, Namangan, Samarqand va Jizzax viloyatlari ham xuddi shunday darajada.
O‘zbekistonda eng yuqori ish haqi oladigan sohalar:
Qo‘shimcha ma’lumotlarga ko‘ra, O‘zbekistonda eng yuqori o‘rtacha ish haqi sug‘urta va moliya sohalarida hisoblanadi. Axborot, aloqa tashish va saqlash sohalari ham ajralib turadi. Sanoat sohasida ish haqi o‘sishi kuzatilmoqda.
Ammo O‘zbekistonda eng kam ish haqi sog‘liqni saqlash va ta‘lim sohalariga ajratilgan. O‘qituvchi va tibbiyot xodimlarining ish haqi oshgan bo‘lsa ham, ularni “nonli” kasblarining yuqori qismiga qo‘yish qiyin.
