Toshkentda Abduqodir Husanovning to‘yi tantanali ravishda bo‘lib o‘tdi
28-may kuni Toshkent shahrida O‘zbekiston milliy terma jamoasi va “Manchester City” klubi himoyachisi Abduqodir Husanovning to‘y marosimi bo‘lib o‘tdi. Tantanali tadbir Toshkentdagi “Versal” to‘yxonasida o‘tkazildi va unga sport hamda san’at olamining ko‘plab mashhur vakillari tashrif buyurdi.
Kinolarni bepul ko‘rish imkoniyati!
To‘y marosimi ertalabki nahor oshidan boshlandi, unda futbolchilar, murabbiylar, klub rahbarlari, estrada yulduzlari, blogerlar va san’atkorlar ishtirok etdilar. Abduqodir Husanov ota-onasi va qarindoshlaridan fotiha olib, kelinni olib kelish marosimini amalga oshirdi. Bu jarayonda “Sharq taronalari” ansamblining milliy kuy-qo‘shiqlari va karnay-surnay sadolari tantanaga o‘zgacha ruh bag‘ishladi.
To‘y oqshomi davomida o‘zbek estradasining mashhur yulduzlari, jumladan, Jahongir Otajonov va Yorqinxo‘ja Umarov o‘z chiqishlari bilan mehmonlarni xushnud etdi. Shuningdek, “Lans” klubida Husanov bilan birga o‘ynagan Kevin Danso va “Manchester City”ning yulduzi Jek Grilish videomurojaat orqali Abduqodir Husanov va uning rafiqasini tabriklab, baxt tiladi.
To‘y marosimi davomida Abduqodir Husanovning yoshlikdan boshlab bugungi kunga qadar bo‘lgan hayoti aks etgan videolavhalar namoyish etildi. Bu lahzalar mehmonlarga futbolchining fidokorligi, mehnatkashligi va maqsadga intiluvchanligini yana bir bor eslatdi.
Abduqodir Husanovning to‘y marosimi nafaqat uning shaxsiy hayotidagi muhim voqea, balki O‘zbekiston sporti va san’ati vakillarini birlashtirgan yirik tadbir sifatida esda qoldi.
O‘xshash mavzular
