Tuxum qattiq, yumshoq yoki o‘rtacha pishishi uchun qancha vaqt qaynatish kerak?
Tuxum – butun dunyo bo‘ylab millionlab odamlarning sevimli mahsuloti, shu bilan birga to‘yimli nonushta yoki yengil kechki ovqatning asosiy tarkibi. Buning siri uy bekalarining xohish-istagidagi barcha – quymoq va omletdan, salatlar va sho‘rvalargacha bo‘lgan taomlarning asosiy mahsuloti tuxum bo‘lgani sababdir.
Agar oson va tez yoki tansiq taom bo‘lgan pashot-tuxumini pishirmoqchi bo‘lsangiz, unda bizning ko‘rsatmalarimiz sizga qo‘l keladi. Tuxumni qattiq, yumshoq yoki o‘rtacha shaklida tayyorlash uchun qancha vaqt pishirish kerakligini o‘rgatamiz.
Ushbu retseptlar uchun, bizga chuqur tova yoki kostryulka, suv va albatta, vaqtni belgilash uchun soat kerak bo‘ladi. Qani ketdik!
Tuxum qattiq pishishi uchun qancha qaynatish kerak?
(salat, bulyon uchun)
Tuxumning sarig‘i va oqi qattiq pishishi uchun uni qaynoq suvga solib, 10 daqiqa davomida pishirish kerak.
Yumshoq pishishi uchun
(gazak uchun)
Yarim tayyor va oqi chala pishgan tuxumni xoxlasangiz, tuxumlarni qaynab chiqqandan so‘ng 4 daqiqa qaynatish kerak. Bunday taomni qoshiq va tuxum uchun maxsus idishda yeyish maslahat beriladi.
Xaltacha shaklida pishirish uchun
(tamaddi sifatida)
Agar tuxumning oqi pishgan, sarig‘i esa suyuq holda pishirmoqchi bo‘lsangiz, ularni qaynab turgan suvga 5-6 daqiqa davomida qaynating. Tayyor bo‘lgan tuxumlarni grenka yoki qotirilgan non bilan torting, ularni tuxum sarig‘iga botirib iste’mol qilish juda ham mazali!
Pashot-tuxumi uchun
(tost, bo‘tqa va quymoqlarga)
Pashot-tuxumini pishirish uchun tuxumni qaynoq suvga ehtiyotkorlik bilan chaqib, 3 daqiqa davomida qaynating. So‘ngra, sarig‘i oqib ketmasligi uchun kapgir yordamida ehtiyotkorlik bilan oling va qog‘ozli salfetka bilan quritib olishni unutmang.
Bedana tuxumi qancha qaynashi kerak?
(bolalar va shinavandalar uchun)
Agar bedana tuxumini qattiq holda pishirmoqchi bo‘lsangiz, uni sovuq suvga soling va suv qaynab chiqqandan so‘ng, 4 daqiqa davomida pishiring.
Bedana tuxumi yumshoq pishishi uchun esa, qaynoq suvga solib, 2 daqiqa davomida qaynatiladi.
Nima uchun tuxumlar qaynatish paytida yoriladi?
Tuxumlar qaynoq suvga solinganda, tuxumning tashqi va ichki qismi o‘rtasidagi haroratning keskin farqi tuxum ichida bosimning oshishiga olib keladi. Bu qobiqda yoriqlar paydo bo‘lishiga olib kelishi mumkin. Agar tuxumlar kichik yoriqlarga ega bo‘lsa, ular yanada sezilarli bo‘lishi va oqsil oqishni boshlashi mumkin.
Tuxumlar yorilishining oldini olish uchun ba’zi usullar:
• Tuxumlarni xona haroratida saqlashdan boshlang va keyin ularni suvga ehtiyotkorlik bilan soling.
• Tuxumni sovuq suvga soling va so‘ngra suvni yaxshilab qaynaguncha olib boring, bu esa issiqlikni bir tekis taqsimlash imkonini beradi.
• Suvga ozgina sirka qo‘shing; bu oqsilning yorilishiga to‘sqinlik qilib, yoriq atrofida tezroq qotishiga yordam beradi.
Tuxum po‘chog‘ini qanday qilib to‘g‘ri tozalash mumkin
Tuxumlarni qaynatgandan keyin oson tozalashning samarali usullaridan biri – bu ular tayyor bo‘lgandan so‘ng darhol muzdek suvga solishdir. Keskin sovitish membranani po‘stloqdan ajratishga yordam beradi, bu esa tozalash jarayonini osonlashtiradi.
Shuningdek, yaqinda pishirilgan tuxumlarga qaraganda yangi tuxumlarni tozalash qiyinroq. Ba’zida qobiqda kichik yoriqlar yordam beradi: agar tuxumning katta uchi tomoni biroz teshilsa, bu tozalash jarayonini tezlashtirishga yordam beradi.
Tuxumning foydasi
Tuxum oqsil, vitaminlar va minerallarning boy manba. Ular barcha kerakli aminokislotalarni o‘z ichiga oladi va B12 vitamini, A va D vitaminlarining ajoyib manbai hisoblanadi. Tuxum shuningdek fosfor va selen kabi minerallarga ham boy. Ular lyutein va zeaksantin miqdori tufayli ko‘zlar salomatligini saqlab turib, to‘r pardadagi yoshga bog‘liq o‘zgarishlarga qarshi kurashishga yordam beradi.
Bundan tashqari, tuxumlar yurak salomatligini ushlab turishi mumkin. Ko‘p yillar davomida tuxum xolesterinning yuqori miqdori tufayli zararli deb hisoblangan, ammo zamonaviy tadqiqotlar shuni ko‘rsatadiki, agar ular oqilona miqdorda iste’mol qilinsa, qondagi “yomon” xolesterin darajasiga ta’sir qilmaydi. Tuxumni me’yorida iste’mol qilish metabolizmning yaxshilanishiga va mushaklar kuchining saqlanishiga yordam beradi.
Muhim eslatma!
Tuxumlarni pishirishdan oldin albatta yaxshilab yuving, chunki tuxum po‘chog‘ida bakteriyalar, tovuqning axlati va sanoat chiqindilari qoladi.
