UzAuto Motors Cobalt uchun kontraktatsiya qachon ochilishini maʼlum qildi
UzAuto Motors 22-noyabr kuni soat 10:00 da Cobalt Style va Midnight modifikatsiyalari uchun onlayn shartnoma ochilishini eʼlon qildi.
UzAuto Motors kompaniyasi Chevrolet Cobalt avtomobilining GX-Style AT Plus va GX-Midnight AT turlari uchun kontraktatsiya ochilishini maʼlum qildi.
Avtomobillarni xarid qilish uchun shartnomani 22-noyabr kuni soat 10:00 dan boshlab savdo.uzavtosanoat.uz sayti orqali tuzish mumkin.
Telegram bot hamda UzAvtosavdo ilovasi esa navbatni kuzatish xizmatini hamda mavjud avtomobillar haqida maʼlumotni taqdim etadi.
Kompaniya avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozimligini eslatib oʻtdi. Savollar boʻlsa, kompaniya call-markazi: 78 141 77 77 raqamiga murojaat qilish mumkin.
Maʼlumot uchun, Cobalt avtomobilining yangi modifikatsiyasi — Cobalt Midnight hozirgi mavjud modifikatsiyadan 7,3 mln soʻm qimmatroq boʻladi. Birinchi bosqichda yangi modifikatsiyada yoritish tizimi va gʻildirak disklari qoramtir tusda boʻladi. Keyingi bosqichlarda esa interyer qismi boʻyicha qoʻshimcha oʻzgartirishlar kiritiladi.
