27-avgust: memlar bayrami va lotereya o‘ynash kuni
1900-yil 27-avgustda Angliyada birinchi shaharlararo avtobuslar qatnovi yo‘lga qo‘yildi, Belgiyada “Anderleht” futbol klubi, Rossiyada esa “SSKA” futbol klubi yaratildi. Shu kunda yozuvchi Edgar Rays Byorrouz “Tarzanning sarguzashtlari” haqidagi ilk hikoyani e’lon qildi. Moskvada esa shoira Marina Tsvetayevaning qizi hibsga olindi. Bu shu kunda bo‘lib o‘tgan muhim va qiziqarli voqealar, 27-avgustda qanday bayramlar nishonlanishini esa quyidagi maqoladan o‘qing.
Birinchi o‘pich kuni
Bugungi bayram sharafiga nostalgiya davri – birinchi muhabbatimiz, ilk uchrashuv va birinchi o‘pichni esga olamiz. Ammo, bugun ish kuni ekanligini inobatga olgan va ishdan chalg‘imagan holda, albatta, yoshlikni eslaymiz.
Boks kuni
Ushbu aloqa sportining barcha muxlislari qadrlaydigan bayram. Agar siz anchadan beri o‘zingiz yoki o‘g‘lingizni boks to‘garagiga qo‘ymoqchi bo‘lgan bo‘lsangiz, bugungi kun bu ishni ortga surmaslik uchun yaxshi sababdir. Faqat boks bilan jarohatlarsiz shug‘ullaning, o‘zingizga g‘amxo‘rlik qiling va yengilroq jang san’atini tanlashga harakat qiling.
Memlar kuni
Bizni har kuni xursand qiladigan suratlar bayrami. Bugun o‘zimizda mavjud bo‘lgan eng zo‘r memlar to‘plamini ochib, do‘stlarimizga – Telegram, Instagram – istalgan ijtimoiy tarmoqda bo‘lishamiz. Ishoning, bu ularga kun bo‘yi a’lo kayfiyat bag‘ishlashi aniq!
Lotereya kuni
27-avgustda har bir kishi omadini sinab ko‘rish va shunchaki ko‘ngilxushlik qilish imkoniyatiga ega. Lotereya chiptasini sotib oling va omadingizni sinab ko‘ring! Agar biror narsa yutib olsangiz, bizni ham eslab qo‘yishni unutmang, axir biz lotereyada o‘ynab ko‘rishni sizga tavsiya qilgan edik-ku.
Banan sevuvchilar kuni
Banan – dunyo bo‘ylab eng mashhur mevalardan biri bo‘lib, o‘zining mazali ta’mi va quyidagi “superqudratlari” orqali ko‘pchilikka manzur bo‘ladi: shirinliklar o‘rnini bosadi, organizmga foydali va qomatga zararsizdir. Shuning uchun ham undan mazali PP shirinliklar, masalan bananli brauni tayyorlanadi.
27-avgustda tug‘ilganlar:
- Faina Ranevskaya. Sovet aktrisasi va yozuvchisi. Bugun Ranevskayaning mazmunli iqtiboslarini o‘qib, ularning qanchalik hayotiy va hazil-mutoyibaga boy ekanligidan hayratlanamiz.
- Jamala. Ukrainalik qo‘shiqchi va “Eurovision-2016” g‘olibi.
- Sergey Sirotkin. Rossiyalik avtopoygachi, “Formula 1” ishtirokchisi.
